Pulse.Mail

Яндекс.Дзен

Google.News

Яндекс.Новости

Ришат Ренатович Вагапов. Хор: Аллина Тоярова.

<div class="content-lead">Ущ тыӆащ хутхощъяңмет хатаӆ унты Асан хуӆ веӆпасӆаты ант рахаӆ. Щи веран там ӆапатан ма «Коллегия адвокатов ЯНАО» НП адвокат Ришат Ренатович Вагапов пиӆан уйтантысам, потрэмасман, муй верат сахат Овс мув шимӆаң мир хоятат арпелак щиран ёварӆаӆат.</div><p>– Ришат Ренатович, каматса ясаң яста, муй верат пиӆан наң хощаен муң шоши хоятӆув атма питам верӆаӆ эӆты ясаң верыӆыӆат, нётопса вохиӆыӆат?</p><p>– Арпелак хоятат Ӆорвош, Приуральской, Ямальской район эӆты ясаң верыӆыӆат. Ванты, хун ант эсӆыты порайн хуӆ веӆпасӆаты яңхиӆыӆат па щита мощатыӆыӆайт. Муй па эсӆыты порайн яңхтэӆан, щи кеша мосты нэпекат ант ӆэщатман уӆӆат. Вер тыйты порайн ӆув сам ки ӆарпитыты ант верытӆат, ӆувиӆаӆа мохтышак адвокат хоща ясаң верты мосаӆ. Арпелак верат сахат ветхощъяң щёрас унты штрафан поныӆыӆайт, ант омасӆайт. Вер тыйм юпийн, ӆэрапты щиран иса ки туңмаӆаӆ — щи порайн судебной штрафан маӆайт, иск ант ханшӆа.</p><div class="content-new-image"><img alt="pic" src="https://257824.selcdn.ru/yamalnews/8361e1c4-c57.webp" style="width:100%" height="721" width="1282"/><div class="content-image_child">Мосты верат туңмаӆасат — хуӆ артан веӆпасӆасат! Хор: Альбина Тырлина.</div></div><p></p><p>– Муй хорпи нэпекат ӆэщатты мосаӆ?</p><p>– Шеңк такан нумасты мосаӆ лицензия па квота нэпекат ёшан тайты. Щи тумпийн рахты хоӆпатан ноптаӆтыты, хопан яңхты вер ищи ӆэщаӆаман ат уӆ. Там порайн Асан ант эсаӆӆа хуӆ мощатты, тухӆат ӆоран веӆпасӆаӆат. Щишан нэпекат ищи ӆэщатты мосаӆ. Щита ищи заявительной принцип щёхар тыӆащ 1-мет хатаӆ унты рупитаӆ. «Традиционной рыболовство» щиран утхота, ЯНАО АПК департамента, сайт мохты нэпекат китты. Кашң хоят ӆув нэмаӆ тумпийн ханшаӆ, муй арат хуӆ мосаӆ, муй рут, хота веӆпасӆаӆ. Щи веран муң ищи нётӆув. Туп мосаӆ аӆаңшак ясаң вертыя, нэпекат ищи морт хатӆ унты маты мосӆат, тыӆащ кеман. Щи юпийн хуӆ веӆпасӆаты Федеральной агентство хоща манӆат.</p><p>Кашң хоята мосаӆ туңа щира ФЗ-166 «О рыболовстве и сохранении водных биологических ресурсов» ӆуңатты, щита мосты верат иса ханшман уӆӆайт. Ин уголовная ответственность щира кашң хоят питты верытаӆ, щишан нумасты мосаӆ хуӆ веӆпасӆаты манты еӆпийн. Овс мув шимӆаң мир хоятат реестра ӆоңаӆтыман ат усат, щи нэпек иса вантман тайӆа.</p><p>Матты хоята нётопса ки мосаӆ, верытӆат 89044539558, 89581663176 телефон хуват ясаң вертыя, нётопса вохтыя.</p><p>Аллина Тоярова ханшам потар</p>

Вой-хуӆ веӆпасӆаты кеша мосты нэпекат иса ёшан ат уӆӆат

Ашкуӆайн ветъяң пеӆа йи таӆ рупитас. Няврэмата история па обществознание урокат тус. Хор: Людмила Михайлова.

<div class="content-lead">Ун Ляль хувн етшас, туп кашң ханты хотан нумӆа, хоты рут хоятӆаӆ ляля маныӆысат, ляля нётыӆысат. Си хоятат ӆаварт уӆапса тайсат, туп туңа, партам сирн ӆувеӆ тусат. Хун няврэмат, хиӆэт хоттэӆ хоятӆаӆ уӆапсаеӆ шавиман тайӆат, уӆапсаеӆ еӆӆы уӆты питаӆ.</div><p>Ун рупата верас</p><p>Асов куртан Людмила Алексеевна Михайловна уӆ. Ар няврэмаң семьяйн сэма питас. Ашкуӆайн ветъяң пеӆа йи таӆ рупитас. Няврэмата история па обществознание урокат тус. Ун Ляль нумты ураңан няврэмат пиӆан ун рупата верас: лялян уӆам куртаң хоятӆаӆ эӆты потрат акатсат, арсыр конкурсатан, проектатан кассат. Людмила Алексеевна яңкем таӆ Асов курт ветеранат Совет куся нэңа ус. Лув онтасаӆан куртаӆан Ун Лялян уӆам хоятӆаӆа яӆап кев хар 2019-мет таӆан ӆэсятса.</p><p>«Ляль порайн энмам няврэмат» ӆэсятам проектаӆ округеван нох питас. Си проект хуват ляль порайн энмам няврэмат меваӆ посатан ӆэсятсайт па масайт, лялян уӆам кашң хоят хаӆасян кев хоран верса.</p><p>Людмила Алексеевна няӆ няврэм энмаӆтас, хоӆ семьяяңат, рупитӆат. Ӆув «Ветеран Ямала», «Ветеран труда» званияйңан тайӆ, «Материнская слава Ямала» меваӆ посан юкантман уӆ.</p><p>Ун асев иса нумты питӆэв</p><p>Аңкеӆ, ун асеӆ па похаӆ эӆты потар па китас. Потраӆ эӆты: «Тарасов рутӆув эӆты ар хоят ёхи ант ёхтас. Ӆув кутэӆан: Александр Андреевич, Андрей Прокопьевич, Григорий Петрович, Никита Степанович, Павел Васильевич, Павел Данилович. Хоӆ Тарасоват.</p><p>Ма ун асем — Лука Семёнович Еприн, Ун Лялян ус. 1909-мет таӆан Ӆоракуртан сэма питас. 1942-мет таӆан унщ тыӆасян Ямало-Ненецкой ОВК эӆты ляля вуса. Рядовоя, 173-мет стрелковой дивизияйн 1313 стрелковой полк хося пошкан орытты хоята ус. 1942-мет таӆан ай тахайт потты тыӆасян дивизияйӆ Анна Иоанновна валан ляляссат. Сталинград вош вуты порайн, западной фронта Казачий Курган 126.7 вутат вуты ураңан, Сталинградской областя Димитровка курт хося китсайт. Таӆаң тыӆась вутатаӆ вуты ант верытсат. Туп си таха эӆты вошаӆ ныса. Казачий Курган лялясты харан округ эӆты катхосьяң хоят лялясман ус. Ар хоят си порайн антома йис. Ун асем па сита паратса. Паратам хоятат хоӆ йи тахайн лоттасайт, кев харан ӆэсятсайт. Сит эӆты «Книга памяти» оӆаң томан, 135-мет нэпек лопасан си вер эӆты ӆуңатты рахаӆ».</p><div class="content-new-image"><img alt="pic" src="https://257824.selcdn.ru/yamalnews/e078c30b-29e.webp" style="width:100%" height="727" width="1292"/><div class="content-image_child">Ар хоят си порайн антома йис, ун асем па сита паратса. Хор: Людмила Михайлова.</div></div><p>Ляль ураңан рупитас</p><p>Людмила Алексеевна аңкеӆ эӆты щиты ястас: «Аңкем — Евдокия Лукинична Тазимова. Ӆоровы куртан 1931-мет таӆан сэма питас. Си порайн кашң рупитты хоят ляль ураңан рупитас. Аңкем ай пора эӆты ӆаварт рупата верас. Па нэңат пиӆан торан сэврас, юх ӆэсятсат. Колхозной харатан арсыр сюрнет энмаӆсат. Ляль етшам юпийн «Новый путь» нэмпи колхозан мис пусты нэңа ус. Хун куртан ай няврэмат хатӆ сыс шавиты хот пуншса, ясельной группайн няврэмат шавиман рупитас. Тохи хуӆам тыӆась ӆоват няврэмат тутӆысайт.</p><p>Аңкем «Ветеран труда», «Ветеран Ямала», «Труженик тыла» званияйт тайс. «Ун Ляль 55-мет таӆ Победа» па «Ун Ляль 65-мет таӆ Победа», «Материнская слава» медалятан па «Материнская слава» 3-мет степень орденан юкантман ус».</p><p>Там порайн лялян уӆты ёх</p><p>Аратаӆан Людмила Алексеевна йи эви па хуӆам пох тайӆ, хут хиӆы. Йи похаӆ, ин контракт сирн ляль манты тахайн уӆ. Контракт сирн ихосьяң таӆ служитаӆ. Боевой действий ветерана ӆуңтасман уӆ. Сирия, ДНР па ЛНР спецоперацияятан ус. Ар хорпи командировкая китыӆыса. «Кавказ-2012», «Центр-2015», «Восток-2019» ун ученияятан касас. Ин специальной назначение частян служитаӆ.</p><p>Людмила Алексеевна похаӆ «За возвращение Крыма», «За службу в части специального назначения», «За спецоперацию России в Сирии» медалятан, А.В. Суворов меваӆ посан, ван хатӆап тыӆасян 2022-мет таӆан Г.К. Жуков медалян па «Лучший парашютист» значокан юкантман уӆ.</p><p>Альбина Тырлина ханшам потар</p>

Ляль нох питты ураңан воӆаң нётапса верам ёх нумаӆмиӆӆув

«Арыты, якты па вератты семья» номинация хоща Рыбины хоттэӆ мойӆапса шитас. Хор: Елена Рыбина.

<div class="content-lead">Ас нопатты тыӆащ ветхощъяңмет хатаӆан Хон мув хуват хоттэӆ ёх емаң хатӆ постаса. Округеван щи хатӆ кеша нийӆ семья охаң па мойӆапса нэпекатан юкантсайт.</div><p>Касапсая китыӆыйм хольмаң пеӆа кат заявка кутан Ӆорвош районэв эӆты «Ветъяң таӆ яха уӆам имеңан-икеңан» номинацияйн — Коневат нох питсат, Пулңават вошан «Арыты, якты па вератты семья» номинация хоща Рыбины хоттэӆ мойӆапса шитас. Мойӆапса вер етшам юпийн Елена Александровна Рыбина пиӆн уйтантысам па еша потрэмасман.</p><p>«Ма 2019-мет таӆан тамащ конкурсан касты вутщисам. Щи порайн «Ар няврэм тайты хоттэӆ» номинацияя нэпекӆам ӆэщатысӆам. Туп тохи муң ант ӆэщаӆасув. Тампуш па няврэмӆам утаӆтыты ашкуӆа эӆты ходатайство нэпекан ханшсаюв па заявка маты парсайм. Манэм туп нэпекӆам акатты па мосты щира ӆэщатты мосас. Ашкуӆайн уятӆат, хоты ма няврэмӆам пиӆн арсыр конкурсатан касӆув па мойӆапса нэпекат шитӆув», — Елена Александровна ястас.</p><div class="content-new-image"><img alt="pic" src="https://257824.selcdn.ru/yamalnews/b47bd194-bb2.webp" style="width:100%" height="725" width="1289"/><div class="content-image_child">Мет ям хоттэӆ мохет муң округеван уӆӆат. Хор: Елена Рыбина.</div></div><p>2017-мет таӆан ӆув няврэмӆаӆ па хоӆна каматса эви пиӆан ханты арат арыты «Тут суӆтам» ханты фольклорной коллектив актас. Вошаң хоятат ещаӆ, ашкуӆаятан, ай няврэмат хатӆ сыс шавиты хотатан, ванан уӆты ай куртатан няврэмат пиӆн каш верман иса яңхсат. 2019-мет таӆан Елена Александровна «Душа народа моего» Всероссийской конкурса заявка мас па няврэмӆаӆ Хон воша тутӆысӆы. Вет номинацияйн касман 1,2,3 местайт шитсат. 2022-мет таӆан «Душа тундры» этнофестивалян оӆаң местая этсат. Щи юпийн Международной выставка-ярмарка «Сокровища Севера. Мастера и художники России» Москва воша китсайт, щита кимет тахая питсат. Щи тумпийн Зинаида Викторовна Лонгортова верам рупатайт хоща няврэмӆаӆ па ёнтсат. Йис уӆапса эӆты верам спектакль хоща «Крепость «Эвет сойм» — Девичий ручей» па оӆаң ханты кинайн «Хон юш. Путь по Оби» нёхты хор вуты порайн ун хоятат кеман рупитсат.</p><p>Похаӆ па эвеңаӆаӆ утаӆтыты тумпийн па рущ ясаңан касапсайт хоща рупатайт верман иса кум шитӆат, ханты ясаңан арат утаӆтыты па арыты, ёнтты, якты па касты тахаята яңхты. Вошан энмам няврэмат ант еӆэмаман ханты сох ӆуматӆат, рут ясңеӆ утаӆтыӆат.</p><p>Касты верат уӆӆытэӆ порайн Елена ищи ӆув сак эӆты картам хорамӆаӆ па ёнтам сохӆаӆ вантопсаятан альман оӆаң местаята этӆыйӆ.</p><p>«Мет ям хоттэӆ мохет муң округеван уӆӆат. Кашң таӆ касты вер хоща овс мувев эӆты матты семья ищи па па регионат кутан нох питаӆ. Няврэмӆын яма энмаӆман, каркама рупитӆаты, щаӆта каш верты па кум шитӆаты. Щиты уӆапсайн еӆӆы тувман, ин энамты няврэмата, нын шеңк ям вер альӆаты!» ¬– хоятат нётты па шавиты ЯНАО департамент куща нэ Оксана Медынская мойӆапса ясңаӆан щиты ястас.</p><p>Там ӆуңан «Ар няврэм тайты хоттэӆ», «Айӆат хоттэӆ», «Ветъяң таӆ яха уӆам имеңан-икеңан», «Йи вер туты хоттэӆ мохет» номинацияйн нох питам хоятат па мув суңатан нох питам мохет пиӆн еӆӆы касӆат.</p><p>Округеван хуӆамсот нийӆъяң вет семья яң таӆ сыс хоттэӆ ишакты веран кассат. Ветъяң няӆ хоттэӆ лауреат нэман юкантсайт.</p><p>Зоя Куртямова ханшам потар</p>

Хоттэӆ ёх емаң хатӆ постаса

Приуральской район эваӆт Пандо Сюнзико Тюневич (ям пелакна) Мет ямас веӆпасӆаты-стахановец. Хор: Ольга Пандо.

<div class="content-lead">Касаң нэңхы мув эӆты ӆув олапсэӆ ощтаӆна масӆ. Итта там порайна мув эӆты, лялесам нэңхы сымӆамас. Щи ораңна лялесам нэңхэт муң номтэвна масӆ. Хоты ӆув ропитсат, мала версат, хоты лялессат.</div><p>Муң Кев сылна олтытат хоща ляль антам ос. Муң нэңхыӆув там мувна ляль нох питты ораңна вуӆ ям вер версат.</p><p>Калаң нэңхэт, хуӆ веӆты нэңхэт па веӆпасӆаты нэңхэт колхоз пела ропитсат. Муң мувувна яртъяң колхоз ропитас.  Колхозат ораңна вуӆ вер ропата артаӆасат.</p><p>Сэңк щёкат ропата хуӆ веӆты нэңхэт версат. Ӆуват аты-вусы хатӆ ропитсат. Веӆам хуӆӆаӆ мата массат кат вастапсы хуват мувна. Хуӆӆаӆ тутэӆ хуват хощь няхыӆат, кимет па холмет сорты вуӆаят. Понна, коӆна, сохамна, рещина хув сапкен сапек ант тарамтапсы.</p><p>Марина Гавриловна Тоболько лаваӆтам щирна муң холсэв, хоты ӆув щёктат ляль порайна осат. Ӆув щи порайна хольёң пела хут таӆаӆ ос. Каӆаңаң нэңхэт пиӆна хуӆ веӆты тахайна Ас хуват китсаят. Ан лавман ки сэңк щёкат ос, ӆув холна хуӆ веӆта ант хассат. Саяп хоты таӆта, щи эваӆт ант ванман, энамты олман па ант хасапсы хоща, планэӆ нох паятсэӆ. Тохал йисна хап ӆыпина халлисат.</p><p>Олты хатӆаӆ антам ос, щи порайна олты хат верты комеӆ антам ос. Яхат аса ляльна тувман осат.</p><p>Каӆаңаң нэңхэт каӆаңӆаӆ вайна есаӆасаят. Щи порайна каӆаң партон сымаӆ ос. Ар каӆаң щи эваӆт халас. Каӆаң нэңхэт ищи норма ӆытытна мисаят.</p><div class="content-new-image"><img alt="pic" src="https://257824.selcdn.ru/yamalnews/3a41e003-08c.webp" style="width:100%" height="442" width="786"/><div class="content-image_child">Катравош курт «Ворошилов нэмпи» колхоз коща ху. Хор: Ольга Пандо.</div></div><p>Щиты па муң мув тэӆ нэңхыӆув ляль нох питты ораңна вуӆтан нятсат.</p><p>Ёхан патты тыӆащна йирхос ветьёң пеӆа и таӆна хуӆ веӆтытат, каӆаң нэңхэт па веӆпас веӆты нэңхэт социалистической вура варты вер вер хоща артащьсат. Округ нох питам нэңхэт хоща кат колхоз нох питас — «Ворошилов» па «Ленин» колхоз.</p><p>Сюнзико Тюневич Пандо Чапаев колхозна ропитас. Ӆув мет ям веӆпасӆаты нэңхы ос. Щи ораңна вуӆ майӆапсына маса.</p><p>Артаӆам каркам нэңхуйи питас Василий Семенович Пуябри. Ӆув Ворошилов колхозна ропитас. Ляльна мансат кепа, Василий Пуябри энамты нявремат па ныңат эваӆт пирката актас.</p><p>Пупта Хавович Пандо — сыяң нэңхы ос. Ӆув хуӆ веӆтытты ос. Товы похолна Кудренской панна наптас. Ӆув ям вер верас. Щи ораңна меваӆ пасна па печатяң нэпекатна майӆыса.</p><p>Щиты ропитам нэңху ар. Аса лаваӆты щираӆ антам. Муң ӆувиӆаӆ номлаӆӆув, па порайна па лаваӆӆаӆув.</p><p>Щитна муң мувуна Вуӆ Ляль порайна сэңк щёкат ос. Щи порайна сэңк ар колхозна ропитам нэңхэт планӆаӆ токаптасӆаӆ. Аса щи нэңхэт меваӆ посна мийилысаят: «За доблестный труд в период Великой Отечественной войны 1941-1945 гг.».</p><p>Ольга Пандо ӆэщатсаӆӆы</p>

Кев сыӆна олты нэңхэт ляль порайна

Владислав Константинович Пырысев ӆув верам антпаӆ пиӆн. Хор: Владимир Енов.

<div class="content-lead">Ма туса верантты ханты ху Владислав Константинович Пырысев пиӆн уйтантысам, ӆув ёшңаӆаӆн верам пормасат артаӆасам, ямсыева инщассэм, муй щирн там кутатан уӆ па рупитаӆ.</div><p>Мосаӆ ястатыя, хоты там ханты хоятэв Ямкуртан Ӆорвош районэв муван нови турам иӆпия ёхтас. Айтэӆан щита ус па энмас. Ӆув аңкаңкеӆ Тэк курт эӆты уӆмаӆ па хоятатан Щуйӆ нэңа уӆапсайӆ хуватан аяӆса. Аӆпа, ӆув рут ӆэрӆаӆ Миляховат эӆты усат, мата ёхат муй нэңат Щуйӆ нэмпи йис хантэт куртые хоща уӆты-хоӆты щирӆаӆ катра пораятан ӆэщатсат.</p><p>Владислав потартас манэма, муй щирн нийӆмет класс ашкуӆайн етшаптас па щи вер юпийн Ӆапатнаңк вошан училищайн юх эӆты арсыр пормасат верты хоята утаӆтыйс. Туп утаӆтыты вер етшаптасӆы, хоты армияя муваӆ ӆаваӆты вохса. Щиканща ӆув хотат омасты тахая питас па кат таӆ сыс щита служитас.</p><p>Щи таӆат, ӆув ясаңӆаӆ щирн, шеңк сора мантсат. Еша уӆ ёхи, сэма питам ай куртаӆа, Владислав ёхтас. Ёхи ёхатмаӆан, ащеӆ ӆувеӆа тамиты щи потартас: «Наң, похие, овас мув пелка мана па наңена мосты рупата канша. Тата хоты воӆаң вер ант мощатӆан. Ёӆан ки хащӆан, хутты иса вер такӆы там куртэнан омастыя питӆан!» Ащеӆ ясңат юпийн Владислав еша ёӆан щутщас, щаӆта па овас мув пелка ӆувеӆа рупата канштыя щи манас.</p><div class="content-new-image"><img alt="pic" src="https://257824.selcdn.ru/yamalnews/1f480b36-ace.webp" style="width:100%" height="727" width="1293"/><div class="content-image_child">Хорамаң сотапӆаӆ ӆаваӆман тайӆайт. Хор: Альбина Тырлина.</div></div><p>Имоӆтыйн ӆув мув иӆпи тащ нох хоӆомты тахаятан рупата мощатас. Щиканща вахта щирн паварт юх хотат омасты питас. Мет оӆаңан, ванта, Владислав ям тыӆащ ох шитас. Щаӆта рупатайӆаӆ етшаптаӆ, ёхи щутщатыя яңхаӆ. Шеңк хув щи тахайн там ханты хоятэв ищипа рупитты щир ант тайс. Кушкепа ӆув кашаң вер туса верас па 1997-мет таӆ вуш эӆты рупатайӆ хайсаӆӆы. Ванта, щи пораятан тыӆащ охатан ант па сохаптасайт. Щи ураңан нэпекатан маты питсайт, маты отат онтасн мет мосты ӆэтотат ӆапка эӆты ӆутты верытсат. Щаӆта ёхӆы Ямкуртаӆа щи ёхтас. Ёӆн, ванта, куш хуӆ-вой мортаңа веӆпасӆатыя верытас. Щиты айӆтыева иса рупатайӆы щи хащас.</p><p>Хув муй ван кут Владислав рут куртаӆан ус. Имоӆтыйн па щимащ номасан ӆув ёхатса: «Манэма моӆты ху хоят антапкеӆ вертыя мосаӆ!» Катра, ванта, арсыр антпат ӆув верас па ёхи хащам таӆатан иса щи вер хайсаӆӆы. Щитаӆан кураң вой оңтат элты сыр-сыр вой хорасат кешийн эваттыя питас. Таӆаң таӆ сыс ханты хоятэв арсыр ханшет, хуӆ муй вой, тохӆаң вой хорат туса эватман волкемас. Щи порайн па щимащ номас тайс: «Кашаң хатнэху, ванта, иса ӆув хошты щираӆан пормас вераӆ. Манэма ин там антпем щиты вертыя мосаӆ, па хоятат рупатайӆаӆ эӆты тусашак ат вантасас».</p><p>Щиканща Владислав, нэмоӆты хоӆта ант па тэрматыман, айӆтыева Асэв хоща уӆты хуӆ хорасат ӆов эӆты эвтас. Щаӆта пупи па кураң вой, вуӆы порты вой, охсар, лэпак, сос, нёхас, ӆаңки па ӆув рут муваӆан уӆты тохӆаң вой хорасат верас. Хун щимащ вой хорасат ямсыева тыйсат, ӆув итан-итан щитат антпаӆа нюки кеӆ онтасан такан ёнтсаӆӆы. Щи антпаӆ тумпийн, верантты ху арсыр хуванат, нялэт па ханшийн эвтом ӆыйт туса нёхрас.</p><p>Имоӆты товийн Владислав «Вуӆэң ёх» емаң хатаӆан Овкуртан ус, ӆув пормасӆаӆ хоятата еӆ тыныты вуянтас. Щи хатӆатан там хатнэху Ӆорвош район кущаятан шияӆаса па кашң порайн сыр-сыр ӆутасты-тынасты харата вохты питщаса. Туняӆ таӆн ӆув Пулңават вошан пормасӆаӆ тыныман яңхас. Щи ураңан грант охат ёшңаӆаӆа пайтас па тамхатӆ нумасаӆ хот омасты, маты тахайн ӆуӆан ӆув кашң пуш хоятата мосты пормасат муйт вертыя верытас.</p><p>Щиты тамхатаӆ Владислав Константинович Пырысев ӆувеӆ мосты вер, шеңк самаңа тайты воӆаң рупата мощатас. Ванта, хатнэху ёӆан аӆ щиты ки опсас па нэмоӆты ант верас, хун ӆуӆан тамиты мосман хоятатан тайса. Ма щирэман, кашаң хоят уӆапса хорасаӆ па щираӆ ӆув щи атэӆ щирн ямсыева верӆаӆӆы!</p><p>Владимир Енов ханшам потар</p>

Кашң хатӆ моӆты пормас иса вераӆ

Няврэмӆаӆ хоӆ ям хоята йисат па там хатаӆ унты асеӆ нумман тайӆэӆ. Хор: Галина Кельчина.

<div class="content-lead">Еша уӆ хон мув хоятат ун емаң хатаӆ постаты питӆат, Ун Лялян уӆам хоятӆаӆ нумаӆмиӆат па кев хара лыптат понты яңхӆат. Там лопасан потрэм Иван Иванович Кондыгин эӆты туӆэм. Ӆув Ӆорвош курт эӆты, хольмаң пеӆа хут таӆ уӆмаӆ порайн Ун Ляля вуса.</div><p>Вещкат, самаң хоята ус</p><p>«Асем шеңк вещкат, самаң хоята ус, ӆув асеӆ хорпи. Ма ун асем хуӆамхосьяң няврэм энмаӆтас. Хун яйӆ антома йис, хоӆна ӆув вет няврэмаӆ вусӆы. Ляль еӆпийн асем колхозан рупитас: хуӆ веӆпасӆыйс, вой мосятыӆыйс.</p><p>Асем Ун Ляля туты еӆпийн, Ӆорвош эӆты похаӆ пиӆан хопан Пулңават воша ёхатсаңан. Сиӆта теплоходан Омск воша туса, яң хатаӆ манас. Черёмушки куртан тыӆась утаӆтыты тахайн ус. Кеши па граната ёваӆты, пошкан эӆты орытты утаӆтысайт. Сиӆта Ленинград воша китса», — Ксения Ивановна Канева (Кондыгина) эвеӆ асеӆ эӆты потартас.</p><p>Ленинград вош нох паятты порайн</p><p>«Ленинград вош оборона хося, оӆаң па кимет Украинской фронт 113-мет стрелковой дивизияйн лялясас, Берлин вош унты ёхтас. Шеңк юраң, каркам, ант паӆтап хоята ус. Ӆохан яма хухатӆыйс, пошкан эӆты яма орытас, сишан разведкая китыӆыса. 1942-мет таӆ эӆты 1943-мет таӆ унты снайпера ус», — эвеӆ нумаӆмийс.</p><p>Асем потартыйс, хоты Ленинград вошан ляляссат: «Ситы си хоятат усат: иськийн потсайт, ӆэӆӆы омассат, вур вантсат, ерт, ӆонсь кутан рупитсат. Туп тураман уятса — амуй антома йиӆам, мосаң ӆыӆңа хасьӆам».</p><p>«Ленинград вошан асем ям пелак ёшаӆ осколкан хойса. Хуӆам тыӆась госпиталян оӆас. Хоӆна хуӆам тыӆась, ёшаӆ яма йиты унты, ӆован ӆэтот тутӆыйс. Си пора сыс парта пелак ёшан пошкан эӆты орытты утаӆтыйс.</p><p>Хоӆна ляль манты тахайн, антома ювам командираӆ юкана ус. Муңева потартыйс, хоты Волховской фронтан рота хося уӆам хоятӆаӆ пиӆан лялясты яңхсат. Уӆты тахайӆ яма уятты мосас, па сира вер ки керӆаӆ сора уйтантыты, каматса хатаӆ ӆэӆӆы уӆты. Верытас, ӆыӆаӆ шависӆы. Ляляӆ Берлин вошан етшас», — эвеӆ ястас.</p><div class="content-new-image"><img alt="pic" src="https://257824.selcdn.ru/yamalnews/b47ffeff-1ed.webp" style="width:100%" height="541" width="963"/><div class="content-image_child">Муңева потартыйс, хоты Волховской фронтан рота хося уӆам хоятӆаӆ пиӆан лялясты яңхсат. Хор: Галина Кельчина.</div></div><p>Иван Иванович меваӆ посатан юкатса</p><p>Иван Иванович Кондыгин «За оборону Ленинграда» кат медалян 1943-мет па 1944-мет таӆңанан постыман ус. «За отвагу» оӆаң степень меваӆ посан юкатса. Си тумпийн Краков штурм ураңан, Эстония па Чехословакия эӆты немсят нюхаӆты ураңан, правительственной мойӆапсайн постаса.</p><p>Советской Союз маршал Константин Константинович Рокоссовский ям ясаңан нумаӆмисӆы. Ун похаӆ 1946-мет таӆан сэма питас, маршал нэман понтсаӆӆы.</p><p>Ун Ляль юпийн</p><p>Ун ляль етшам юпийн Иван Иванович Кондыгин Ӆорвоша ёхтас, хуӆ веӆпасӆыман ус. Яма вой веӆпасӆаты, хуӆ мосятты па план тэкаптаты ураңан Почётный грамотаятан постаман ус. Хун ийимеӆ антома йис, утся хут няврэм энмаӆтас.</p><p>Няврэмӆаӆ хоӆ ям хоята йисат па там хатаӆ унты асеӆ нумман тайӆэӆ. Ун Ляль емаң хатаӆан нумаӆмиман пасан опсыӆыты па няврэмӆаӆа, хиӆыӆаӆа ун асеӆ эӆты иса потарты питӆат.</p><p>Альбина Тырлина ханшам потар</p>

Иван Иванович Кондыгин Тураман еӆӆы уӆты партса

Веӆащ вуям энамты имием, хоты ӆыӆаӆ нох вуты? Щиты нумасман, самем хосыман, каман тащ хотат хоща яңхсам. Хор: Зоя Куртямова.

<div class="content-lead">Кат пуращ ики каман потарман омасӆаңан. Ӆын хощаян энамты ики ёхтас. Пуращ икеңан омасӆаңан энамты ики верантты тахайна. Щита мув хоща вальщамат, воңхам ухал курат, кат ухал пар. Етцамеӆ. Энамты ики ухал курӆаӆ нёхартты питас. Пуращ икет ивейна щиящ аңкармиман, ӆын верӆан эваӆт потарӆаңан. Ӆын хощаян кат ёх няврем ёхатсаңан, ӆын хиӆыӆан. Нявремңан варас нёхарты питсаңан, юхал верӆаңан.</div><p>И пуращ ики йи икел пела лавас: «Петра, ма меням там хатӆ, кев путаӆ путӆас. Щи кев пут, ма ащем Китай хон мув эвалт ёхтыӆыям икет эваӆт лутыӆымаӆ. Ямас тайса па, хув веритас, тынэсам ики холна талмащ таяс. Щи порайна холна, ям хорамаң анат лутыӆымаӆ».</p><p>Петра ики ёсна сар лов вантыман, йи икеӆ пела лавас: «Ма щи порайна нюр энамты усам, веӆащ ның вуйлисам. Ныңем сэңк касаңңи йис. Каман сэпан хоща яңхсам. Щарсат, антас антам ус».</p><p>Тарпаӆ па сарна понтсаӆӆы, утлапна лап путрысӆы.</p><p>Щи юпина йи икеӆ пела керӆас, па елащ потарты питас: «Щи порайна, имем охал нох аӆамты ант веритас. Веӆащ вуям энамты имием, хоты ӆыӆаӆ нох вуты? Щиты нумасман, самем хосыман, каман тащ хотат хоща яңхсам. И тащ хот хоща па мув эваӆт ёхтам икет ёхатмеӆ. Щи ур хотат хоща тынэсмел. Щащканат, тунат, анат, путат тувмел».</p><p>Кимет икеӆ нох нёхлас па аматман Петра ики пела лавас: «Щит иӆампа наң усан, ма нумлэм, нумлэм. Щи порайна ащем пут вус. Ӆув холна талмащ па тайсат, Китай хон мув икет».</p><p>Ур хот хоща улты хантэтна инщасам: «Элпен щи атам?»</p><p>Петра мояң ёхлаӆ пела талмащмаӆ имеӆ эваӆт. Китай хон мув эваӆт ёхтам йи ики Петра пиӆна ӆув хотаӆна манты лавмаӆ. Талмащаӆ ики пиӆна. Кат икеӆ улам тахаеӆна хищмеӆ. Масайӆаӆ тынымеӆ, вой сохат, сахат, антатра, ӆэпак, ӆаңки, охсар. Щи порайна хантэт ох ант таймеӆ. Китай хон мув эваӆт ёхтам икет пиӆна ёхи ёхатмеӆ. Ӆаптаӆтамат, щи юпина, ның ёхтам икина вантам. Сэмӆаӆ, ёсӆаӆ. Хотащ ӆув щираӆна мосаң сэпан ус?</p><p>Китай хон мув эваӆт ёхтам ики лавтаӆ: «Ма итта портун каварӆам. Наң нумасаты, портун ант ки енщаӆ, там мус эваӆт ямми ант йиӆ, ӆыӆаӆ нох вуты ант веритӆа. Енщаӆ ки, ямми йиӆ, туп нявремаӆ эӆты атам питаӆ. Нумасаты».</p><div class="content-new-image"><img alt="pic" src="https://257824.selcdn.ru/yamalnews/23ceba9d-356.webp" style="width:100%" height="726" width="1292"/><div class="content-image_child">Петра ухал кирас, ямас мойӆаптасӆы ёхтам икет, том тащ хотна тохи тусӆы. Хор: Зоя Куртямова.</div></div><p>Энамты Петра лавмаӆ: «Имем туп ӆыӆаң ат ул. Кавартаты портун».</p><p>Китай хон мув эваӆт ёхтам ики, хираӆ эваӆт сорам варас нув нох таӆас. Хощ моритмаӆ юпина, равви вермаӆ. Кавармам йиңк хоща тохи парңаӆмаӆ, еса кавармаӆ юпина, сорам лыпат па пом рават тохи понмаӆ. Хув-ван каврас, па потам юпина кеван ӆыпина понмаӆ. Кеван эваӆт ай ан пела понмаӆ. Ӆыр арат йиңк энамты ның эӆты енщты пармаӆ. Портунаӆ енщам. Петра ныңал ямас лоңлаӆ сахна понмаӆ, саңкамты ураңна. Мояң икет ӆаптаӆтамат. Щи юпина, хантэт эӆты па пормасат тынымеӆ, там хантэт ищи вой сох, сахат — лутасмеӆ. Китай хон мув эваӆт ёхтыӆыям икет мантан моса, ӆын портун мийлиман. Ның портун ещтаӆ эваӆт, нох омсыӆыты питмаӆ, ӆытат ӆывмаӆ. Китай икеңан манты питсаңан, портун хийсаңан енщты. Петра ухал кирас, ямас мойӆаптасӆы ёхтам икет, том тащ хотна тохи тусӆы. Ныңал ямми йис. Пораяӆна юхат няврем таяс. Щи нявремаӆ юпина эвет таяс, йикат. Вуӆӆы йисат, эвиӆаӆ ел вусаят, йикаӆ па нявремат таяӆ. Петра охал иӆ эсаӆман омасаӆ.</p><p>Йи икеӆ ӆув пелаяӆ лавас: «Хоты верӆа, ямас щи устан, щи арат няврем тайсатан. Йикан ищи хотащ мохиӆаӆна пурщаматаӆна тайӆа. Ёсӆаӆ-курӆаӆ тумтакат, муус ант таяӆ, тарас ант вераӆ, яха щиты щи уллатан, кат ики, ай йикан хотна».</p><p>Кимет икеӆ нох лояс, вальщам ракат мольщаңал эваӆт иӆ паркатсаӆӆы. Петра па нох лояс. Вантсаңан еса верантты нявремат пела. Ухал верты энамты ики пиӆна потарсаңан. Аяӆта елащ мантсаңан. Йи икеӆ ӆув хотаӆ пела, Петра ики па ӆув ур хотаӆ пела манас. Щи пораят эваӆт ар пора хищас. Лялят усат, нэңхет тутлисаят. Каӆаңат вуйлисаят, охат этлисат, хонат пиӆтащисат. Каман щир ус, хантэт па улапсы тайты питсат. Тутаң хопат, тохлаң хопат этсат, каман хорпи мутраяң щир. Холна щи порайна нумасты ант веритса, каӆаң юканны курты ухал ӆув щираӆна манаӆ. Щи.</p><p>Антонина Сязи (Серасхова) хансам потар</p>

Китай хон мув нётом портун

Хащам сусан Россия мув ӆоватан ёх хоятат лялясты тусайт. Хор: Зоя Куртямова.

<div class="content-lead">Ешауӆ Хон мув хуват ун емаң хатӆ постаты питӆув, муй щиран муң хоятӆув Воӆаң Ун Лялян нох питсат. Ин там хатӆатан па щи хорахщет лялясты вер пайтӆат. Хащам сусан Хон мув хуват ёх хоятат лялясты муват пеӆа тусайт. Ӆорвош районэв эӆты ищи айӆат похат мантсат. Таӆ шуп хащам юпийн тухаӆ няврэмӆув щутщаты ёхи эсӆысайт.</div><p>Там товийн ма антиӆаӆ-ащиӆаӆ пиӆн уйтантысам па еша потрэмисув. Манам няврэмӆув ёхи йиты юшеӆ хув ураңан Симферополь вош унты туп эсӆысайт. Йи пох антеӆ-ащеӆ щи унты яңхсатан, похиеӆ пиӆан уйтантысңан. Яң хатӆ туп яха усат. Щаӆта щи, похаӆа ёхӆы манты мосаӆ. Кимет пох па, сам ант верытман ёхи унты ёхтыӆыйс. Хоттэӆ мохиӆаӆ пиӆан уйтантыты. Йи ӆапат туп ёӆан ус. Ляль муват пеӆа манмаӆ порайн, шаңкап айкеӆ ёхтам щиран, ащеӆ такӆы манас. Ащеӆ щи порайн унтан веӆпасӆаман ус.</p><p>Ӆув пиӆаӆан щутщаты эсӆам похат ищи муң округев ун вошат эӆты, йи номас понман ёхи унты манмеӆ. Яңхмеӆ порайн, кушкепа манты юшеӆ пайӆы ус. Ин уӆты местаеӆа, мосты хатӆ унты ёхӆы ёхтаптысат. Кат пох па йи курт эӆты ёхи манты юшан яха ликапсатан. Лялясты лотатан хоты, кат тахайн уӆӆатан. Щиты яха манман, юшан кен па каш. Пиӆаңа ёхи яңхсатан па ёхӆы пеӆа па манты мосаӆ. Манам похӆув кутан йи пох мевӆ посан юкатса. Кат пох па хоӆна ёхи ант ёхтыӆысңан. Ёхи йиты айкеӆ ёхтыӆыйс па таңха вер па щиран кератса.</p><div class="content-new-image"><img alt="pic" src="https://257824.selcdn.ru/yamalnews/da5332da-492.webp" style="width:100%" height="551" width="981"/><div class="content-image_child">Рутӆам сыстам турам иӆпийн уӆты ураңан ма щи вохсайм. Хор: Русский Vосход</div></div><p>Щита уӆты куртатан муваӆ хошам ураңан кур иӆпийн иса йиңк па вощлах. Сопекӆаӆ па патинкайӆаӆ иса ӆоӆңиӆайт. Сораӆты таха антом. Ампар хорпи ун карты хошапат хува мув иӆпия лап лаңкман уӆӆат. Лыпийн норы иты кат ята хомтэпат верман уӆӆайт. Щита оӆӆат. Хотэӆ карты кур тайӆ, ӆэтот кавартӆат, хошмаӆтыӆат. Хуӆ па нёхи ӆэты утӆам похат, еша марэмасайт иса рущ ӆэтот ӆэты. Ёӆта китты посылкаятан па тутӆыӆайт. Посылкайӆаӆ туп юшан шеңк хув уӆӆат. Ӆэваса ӆэтот шук китты кум антом. Йи хот ӆыпийн яң-ветхощъяң хоят уӆ. Ӆуматты сохан маты порайн, тухаӆ сохӆаӆ унат, хой па сохаӆ ермат. Ӆув кутэӆан пелтащӆат, щах ант ки ӆэщаӆаӆ яӆпа маӆайт.</p><p>Районэв эӆты китам похӆув хоӆ ар тахаятан уӆӆат. Тухӆат кутӆаӆ ван. Щита округ хуват уӆты няврэмат уйтантыман уӆӆат ки, яха пиӆтащӆат. Хув муван уӆман щимащ хоятэн рут сахат уӆ. Похӆув щита хой юш шавиман ӆойӆ, тухӆат па мув кимаӆ вантыман шушиӆыӆат, хой па нэпек ханшман ёша-кура куща ёх пуңаӆан уӆ.</p><p>Ёхи ёхтыӆыйм похат эӆты мохиӆаӆ инщассам, оӆаң сыс аңкармиман муй хорпия йисат. Уйтман щи, моӆхатӆ нэмоӆты ант нумасты энамты ай похиет, там хатӆ шаңкап уна ювам ёх хоятат. Потарты ясаңӆаӆ еша пащиран манӆат. Тур сыйӆаӆ па куӆшака ювмеӆ. Мет аршак машъяйн ӆыпи номас нумасман омасӆат. Щикуш мосаң номас ампа ант рахаӆ. Самен уӆты мувен пеӆа керӆаӆ. Туп Хон мувев па мосаӆ накӆат эӆты шавиты. Рутӆам сыстам турам иӆпийн уӆты ураңан ма щи вохсайм. Щимащ атам вер этты порайн, таңха щиты щи нумасӆа. Сам такан верман щиты щи еӆӆы уӆӆат.</p><p>Муң хоты, шоши мувеван уӆты хоятат, ляль мува китам похӆува туп хошам ясаң китты верытӆув. Турам пеӆа пойкащман, кашң хатӆ ӆавӆасӆув. Похиет, таӆаң ёш, таӆаң кур, тумтак уӆаты. Сорашак ёхи ёхтаты.</p><p>Газета лопсэв этты еӆпийн ям айкеӆ ёхтас. Хоӆна вошан уӆты йи ханты похие ёхи щутщаты эсаӆса. Яӆап вер этам щиран, ӆув кат ӆапат ёӆан щутщияӆ.</p><p>Зоя Куртямова ханшам потар</p>

Ляля китам похӆув ёхи ӆаваӆӆаӆӆув

Юх кут эваӆт и ур хот этас, муң щиящ иремасув. Хор: Вера Лонгортова.

<div class="content-lead">Мин тащ хотна яңхсаман. Щи хатӆ, щи хорпи наяң хатӆ ус. Юс щикем порантең па так ус. Лоньщ лоңал, най антасна, волияӆ. Сэм нох ант эӆӆаӆ. Тови вотна, кер пувиям. Юс эваӆт, ел ки пурамӆа, кур иӆ манаӆ, лоньщ ӆэпатты ювмаӆ.</div><p>Ур хотна ёхатсув. Юх кут эваӆт и ур хот этас, муң щиящ иремасув. Каман энамты ның лояӆ, ӆув юх сэврас. Муңев сыяӆас, мохты ищаӆт йис. Щит Кристина Никитична Серасхова. Щикем кунтат, юх эватты курты няремияӆ, юхат аӆ суппи рыйӆат. Итта хоты, там йисна, энамты ныңат, ур хотӆаӆ хоща, йиӆап щирна уллат. Хот ӆыпина нави рущ тут, лампочкаят кий лоңална лойӆат. Телевизорат муӆ тахайна омасӆат. Каман хорпи, аккумулятор заряжаятты поталэт. Ныңат хосам рущ верам сопекат тайӆат, икет ищи. Лойтантыты таха пела, хотэӆ ӆэӆтэӆ юпина, «Ямахайна», нярематэӆ онас ухлат. Щиӆта хопты йирты ван, сора ухал киртэӆ. Марина Гавриловна Серасхова, манэм потарсаӆӆы, хоты ӆув луң порайна, квадроцикл нэмпи хопна, рэх вонщты яңхмаӆ. Щимащ хопна ёхат калаң савитэӆ. Ӆытат лутты яңхтэӆ, курты юс пеӆа. Кимет ур хотна, Лидия Степановна  Серасхова, ищи касӆыты щирна ӆэщатыяӆ.</p><p>Таӆ таям нюки, йикаӆ пилна, ухална ӆэӆсаӆӆан, халэват тови ухал хийӆат, ям тахайна, итта ямас кулна хуссаӆӆан. Ма ур хотна улмемна, нары хоща сахат усат, ӆаңкасыты. Итта одеялайна асат ӆаңкасыӆат. Кевна яңхтэӆна, куур тайлат. Пиӆңа пусаң ант понтэӆ, рущ портун вущитӆат. Йиңк, пластмас ведрайна тутэӆ, курты щукат. Ур ёх хоща, алак кулат ищи пластмас, пащаккет. Там ёх ухал алакат, ант артаӆасам, ӆув курты ухална манмеӆ па тащна, кораль хоща.</p><div class="content-new-image"><img alt="pic" src="https://257824.selcdn.ru/yamalnews/7af543ef-f6f.webp" style="width:100%" height="727" width="1293"/><div class="content-image_child">Хот ӆыпина нави тут, лампочкаят кий лоңална лойӆат. Хор: Вера Лонгортова.</div></div><p>Товина хот ӆыпина муяккув тайӆат, лоңална паращен нюки понлат. Щитна каман ищки кепа, хот ӆыпина хосам. Кристина ниӆ няврем таяӆ. Ӆув сах вермаӆ, унтпаӆна, Марина Гавриловнайна, нётам сах ӆаңкар эватты. Ямас хоты сах верӆа, щиты нистыман, полтна нэрман. Кристинайна елащ ёнтам. Щимащ щир, щи мосаӆ. Унтпаӆ, меняӆ пиӆна, и щирна уллаңан. Туп нявремӆаӆ пиӆна, омет-ащет, рущ ясаңна потарӆат. Нявремӆаӆ ищи. Нявремӆаӆ ищи телефон пиӆна омастэӆ, щикем ямас, каман таха пеӆа понамтытэӆ. Мохты ныӆа, ханты улапсэв, па таха пеӆа, керӆаты питас. Ясңев туп ант ат устаӆэв. Щи.</p><p>Антонина Сязи (Серасхова) хансам потар</p>

Тащ хотна яңхсув, мохиӆув уӆапса вантсув

Тэк куртэв туп ӆуңан 2023-мет таӆн 70-мет таӆа веӆщи йиӆ. Хор: Владимир Енов.

<div class="content-lead">Тэкн, Суматвош районан уӆмеман, куртаң хоятат щутщаты хот куща нэ Александра Аркадьевна Отшамова пиӆн уйтантысам па айӆта ӆув эӆтайл иньщассэм, муй пора эӆты щи хот уӆ па рупитаӆ. Там нэңев па щиты потартас, хоты ёхи хащам таӆатан ӆый щутщаты хотэӆан ин ӆув кущая уӆ, щаӆта методист, хот ятат сыстама тайты нэ па арсыр аӆ рупатайт верты хоят па тайӆат.</div><p>Ешауӆ там катрая ювам хотэӆ эӆты яӆап па ӆащкама верам кирпащ хота касаӆтыя вутщиӆат.</p><p>– Александра Аркадьевна, куртаң хоятат щутщаты хотан муй арат таӆа йис?</p><p>– Ма нумастэман, ӆув шеңк ар таӆа йис. Ямсыева ант уятӆэм, маты таӆн ӆув омасса. Там катрая ювам куртаң ёх потар щиран, щутщаты хотэв матты ки мет оӆаңан Кутоп Тэк курт эӆты тый туса. Щи таха хоща ӆув, рущ щиран, изба-читальня хота уӆмаӆ. Щи ураңан там таӆн ӆув ӆуӆан 80-кем таӆ ӆовата аӆ па йис. Там Тэк куртэв туп ӆуңан 2023-мет таӆн 70-мет таӆа веӆщи ёхатаӆ. Ма щи вуш эӆты ӆуңатӆэм, хун вет таӆ ёхӆы муң куртэван 65-мет таӆа ёхтам емаң хатӆ ус.</p><p>Арсыр хоятат ар щиран потарӆат. Ма ищи нумасӆам, хоты муң Тэк куртэв нуптаӆ ямкем ун. Ванта, ӆув йис порайт вуш эӆты Ай Асэв хоща ус. Щаӆта кимет вер тата па уӆ: Тэк куртэв ям ар пуш и тахайӆ эӆты кимет тахая ӆув хоятӆаӆн касӆаптаса. Щимащ верат ураңан ӆув йисаңа-нуптаңа ювам верӆаӆ там хатӆ иса хоӆ ёрэмасайт.</p><p>– Ма тата кев хорас еӆта вантсам, маты от ляля манам ёхата юкантса. Ар хоят нын Тэк куртан эӆты Воӆаң Ляль хара щи порайн китса?</p><p>– Муң куртэв эӆты ар хоят ляля щи туса. Ма ащем кат ун яйңаӆаӆ — Алексей Филиппович па Степан Филиппович Отшамоват рут ёхат эӆты па китамтак лялясты яңхсаңан. Ляль верат сохноптомеӆ юпийн ӆын ёхи ёхатсаңан, тата рупитсаңан, хоттэӆ хоятаңа йисңан, няврэмӆаӆ энмаӆтсаңан. Ӆый ащеӆ ики Пухар куртан ус. Щиканща щий яңхсаңан па ӆувеӆ тый тусңан. Щаӆта па ащеӆа тата яӆап хот омассаңан. Муң ёхӆув шеңк яма, вещката ӆый кутэӆан усат па рупитсат. Ияха хуӆ, вой веӆпаса яңхӆат, ияха торан сэварты манӆат. Ӆый ар няврэм тайсат па энмаӆтсат, яма па вещката куртаң ёхӆаӆ пиӆн усат.</p><p>– Александра Аркадьевна, маты тахайн па муйсыр рупатайт щирн наң манам таӆатан утаӆтысан?</p><p>– Ма мет оӆаңан Тюмень вошн лицей етшаптасам. Щи вер юпийн па ӆэтот каварты нэңа Игрим вошаң колледжан утаӆтысам. Юхат 10 моӆтас таӆ сыс ӆэтот каварты нэңа усам па рупитсам. Щаӆта 2020-мет таӆн иса рупатайӆы хащсам. Ёмвошн Югорской университетан «рут ясаң па литература» щирн утаӆтысам. Туп утаӆтаты тахаем ант па етшаптасэм. Ванта, похем сэма питас па ма ёӆан ӆув пиӆэӆан омассам. Ӆапаткем тыӆащ рупата ант тайсам. Щаӆта па Тэк куртаң хоятат щутщаты хотн рупитты питсам. Ма щирэман, муң кутэван тата иса вещката па пиӆаңа кашң айшак муй уншак верат ӆэщаттыя мосаӆ.</p><p>Муң тата ёнтасты па верантты па верытӆув. Щаӆта рут мирэв ясаң ямсыева утаӆтыты, няврэмӆув ищиты сыр-сыр ханты верат пеӆа талты рахаӆ. Там пуш муң Ванзетур курта ай хопатан касты яңхсув па мет оӆаң таха ёша пайтсув. Щи вер ураңан юхат Нефтеюганск вошан па кассув. Куш нох па ант питсув щи касапсы порайн па ищипа шеңк ям щи вер, хоты ин муң кутэван ямсыева усув па мосты порайн муң хоятӆува нётсув. Ма щирэман, муңева еӆӆы пеӆа ищиты вещката па ӆухсаңа уӆты мосаӆ.</p><p>– Александра Аркадьевна, ма нын куртаң ёхӆан пеӆа тата «Муй хорасаң Ас мувие!» уйтантопса ӆэщатсам. Наң щирэнан, тамащ отат мосӆат муй анта там кутан нын Тэк куртаң ёхӆана?</p><p>– Ма нумастэман, аӆ хун мосӆат! Тый там хатаӆ литература верат самаңа па умща тайты хоятат ёхтыӆысат. Муң куртаң щутщаты хотэва — щит ям ун уйтантопса. Там хатӆ Тэкн муң Ай Ас мувеван энмам хоят ус. Ӆув муң йис монщӆув-потарӆув пиӆн тый ёхтыӆыйс. Шеңк хорамаңа па туса ханты па юхат рущ ясңатан монщат монщас. Тухаӆ хоятӆув тата уйтантопса юпийн щиты потарсат: «Муң там хатӆ матты ки иса ай пораеван усув, щи хорпи ям, умащ монщат оша рут ясаңан версув!»</p><p>Владимир Енов ханшам потар</p>

Ма щирэман, муңева еӆӆы пеӆа ищиты вещката па ӆухсаңа уӆты мосаӆ

Вуӆы ёх Ямал форм хозяйствования грант хуват ох шитты верытӆат. Хор: Альбина Тырлина.

<div class="content-lead">Общинайн уӆты вуӆы ёх ураңан грант охат оленеводство направление хуват мийӆыӆайт. Си тумпийн сельской хозяйство сирн рупитты ёх па грант охат вуты верытӆат. Там таӆан эсӆам охат хуӆам млн эӆты вет млн унты эӆатсайт.</div><p>«Хасям таӆатан си направление хуват вуӆы ёх ар ох посатсат. Сишан сельской хозяйство министерствайн, антом туп муң округеван, хон мувев ӆоватан си ураңан охӆаӆ эӆатсайт. Си охат энамты войт, мув, коммуникацияйт, техникая («Бураната») па па мосты пормасата посатты верытӆат. Си нэпекат ИП па КФХ сиран ӆэсятты рахаӆ.</p><p>Вуӆы ёх Ямал форм хозяйствования грант хуват ох шитты верытӆат. Там таӆа хоӆна конкурс ант верыӆыса, сишан нэпекат рахаӆ ӆэсятты.</p><p>Муң хосяев арпелак вуӆы ёх хоятат рутӆаӆ рупатая вуӆат. Хой КФХ па ИП сирн нэпекӆаӆ ӆэсятты питаӆ, шеңк ар рупитты хоят вуты ант мосаӆ. Ар хоят рупатая вуӆан, охан сохаптаты мосаӆ, социальной отчисленияйт верты. Хун иса яха ӆуңатты, охаӆ ара хойӆ. Хой аршак ох вуты ӆытӆа, йи рупитты хоят туп ханшӆтыты рахаӆ», — сельскохозяйственной кооперация сферайн па ЯНАО фермерата нётты Центр компетенция куся нэ Ольга Борисовна Щербина потар тус.</p><p>Вуӆы ёх нёхи маты хоятат па субсидияйт вуты верытӆат. Ӆорвош район Унсыӆкурт эӆты Кузьма Григорьевич Возелов ус. Ӆув крестьянско-фермерской хозяйство сирн рупитаӆ, каматса ясаң ястас: «Ма КФХ сирн яң таӆ рупитӆам. Си еӆпийн Горковской рыбозаводан хольмаң таӆ хуӆ веӆман усам. Вушкурт шанш пелакан вуӆыӆам тайӆаӆӆам. Хольмаң пеӆа вет таӆа мувем арендая маса. Хольмаң вуӆы тайӆам, пушасан уӆӆат. Там мосванан ур мув эӆты хоӆна яң вуӆы тусам».</p><p>Альбина Тырлина ханшам потар</p>

Вуӆы ёх кеша яӆап нётапсайт

Муй сирн рупатаеӆ манаӆ, муй нётапса мосаӆ, муй ям па атом верат таӆ сыс усат, ӆэрапсат, яӆпа этты законан па нётапса охат эӆты хуӆатсат. Хор: Альбина Тырлина.

<div class="content-lead">Ун кер тыӆась хуӆамхосьяңмет хатаӆан Пулңават вошан округ КМНС общинайт па ай форма хозяйствования кусяйт семинар-совещанияя актыӆысайт. Хатаӆ сыс ЯНАО агропромышленной комплекс департамент, сельскохозяйственной кооперация па фермерата нётты кусяйт шоши мир ёх общинаятан рупитты хоятат еңта пасан суран потар тусат: муй сирн рупатаеӆ манаӆ, муй нётапса мосаӆ, муй ям па атом верат таӆ сыс усат, ӆэрапсат, яӆпа этты законан па нётапса охат эӆты хуӆатсат.</div><p>Вуӆы ёх па хуӆ веӆты хоятат яӆап верат эӆты потартсайт. Муй хуӆ веӆпасӆаты хоятата ӆаваӆты, округ агропромышленной департамент экономической развитие управление куся нэ Ольга Борисовна Щербина потар тус: «Хуӆ веӆты ёх субсидия охан там таӆ эӆты хуӆ ӆэсятты таха эӆты маты питӆайт. Округеван ихосьяң симась таха. Мет ун — Пулңават вош хуӆ ӆэсятты хот. Общинаята ӆуңтасты хоятат хуӆӆаӆ тохи маты верытӆат. Си еӆпийн субсидия охат департамент эӆты мийӆысайт. Нови хуӆ киӆа ураңан нийӆъяң соӆкувайн сохаптаӆайт. Уӆӆат хуӆат, хойтэт сот хус соӆкува киӆа ураңан шитты верытӆат. Си нэпекат департамент хуват ӆэсятты мосӆат.</p><p>Там таӆа субсидия маты сир етшас. Яӆап таӆа субсидия нэпекат там таӆан ван хатӆап тыӆасян ӆэсятты рахаӆ. Хой ӆуң сыс ханшам квота хуват хуӆ мосятты ант верытаӆ, ай тахайт потты тыӆась оӆаңмет хатаӆ унты нэпекат яӆпа ӆэсятты па китты мосӆат. Муң показателят туңа сира ӆэсятӆув па субсидия сохаптаты охат ӆэрапӆув. Ант тарамты маты хуӆӆаӆ сохаптаты охӆаӆ ёхӆы ант вуты ураңан.</p><p>Кашң таӆ общинайт аршак хуӆ маты питсат. Муң субсидия охат туп 8500 тонна сахат эсаӆты верытӆув. Хасям таӆан хуӆ веӆты ёх 12500 тонна хуӆ масат. Хоӆся муң си арат ох уӆув сохаптаты ураңан? Округев хуват хуӆ ӆэсятты тахайт туп 6500 тонна хуӆ ӆэсятӆат. Сишан хасям маты хуӆӆаӆ ант мосӆат. Хой аршак сот тонна эӆты хуӆ мосятаӆ, себестоимость сирн па хуӆ ӆутты тахаята маты верытӆат.</p><div class="content-new-image"><img alt="pic" src="https://257824.selcdn.ru/yamalnews/b0f88019-918.webp" style="width:100%" height="725" width="1289"/><div class="content-image_child">Кашң таӆ общинайт аршак хуӆ маты питсат. Хор: Альбина Тырлина.</div></div><p>2025-мет таӆ унты, общинайн рупитты ёх хоӆ округ хуӆ ӆэсятты тахаятан вантты питӆайт. Сишан, мет каркамшак па ям хуӆат маты хоятат си субсидия охӆаӆ шитӆат».</p><p>Семинар-совещанияйн ханты хоятат кутан хуӆам ху Ӆорвош район эӆты ёхтыӆыйс. Сит — Михаил Андреевич Лельхов, Олег Сергеевич Лонгортов па Кузьма Григорьевич Возелов. Ӆув общинайн рупитӆат.</p><p>Олег Сергеевич Овкурт эӆты, хуӆ веӆпасӆыман уӆ, каматса ясаң ястас: «Йи рут хоттэӆ «Тэтта рут» общинайн 2016-мет таӆ эӆты рупитӆам. Щаня лепан ӆоратан па ёханан веӆпасӆыӆув. Ӆуңан Муши вош ӆоратан хуӆ веӆман уӆӆув.</p><p>Нэпек сирн вет хоят рупитаӆ, уӆӆат хоятат, хой кум тайӆат, рупата договор хуват веӆпасӆыӆат. Квота хуват ма ветъяң тонна хуӆ вуйӆыӆам. Хой кат тонна хуӆ маӆ, бензин пущкайн маӆэм. Си тумпийн ох хоӆна шитӆат.</p><p>Хуӆ потӆтаты хошапат туп Мушийн па Овкуртан ӆойӆат. Тохи па моӆтыйн туты мосаӆ. Ин хуӆ веӆпасӆаты хоятат буран маты ураңан грант нэпекат ӆэсятты верытӆат. Туп уятты мосаӆ, хун нэпекат ӆэсятты. Там таӆа нэпекат китты пора хасяс».</p><p>Альбина Тырлина ханшам потар</p>

КМНС общинаята ӆоңам ёх актыӆысайт

Ас нопатты тыӆащ кимет шупаӆан ёханатат хоща еңк нопатты питаӆ. Хор: ЯНАО губернатор пресс-служба.

<div class="content-lead">Ун йиңк эпатты па ӆэвас тут ант питты ураңан щи кеша рупитты хоятат яха уйтантысат па товийн этты верат эӆты потар тусат. Ас нопатты тыӆащан муй хорпи турам хатаӆан китӆаюв па ёханӆуван еңкӆаӆ хун нопатӆайт, щит эӆты потар тусат.</div><p>«Ар тахайн еңк куӆатаӆ вантам юпийн, Ас нопатты тыӆащ кимет шупаӆан ёханатат хоща еңк нопатты питаӆ. Туняӆ эӆты йи ӆапта оӆңашак еңкаӆ туты питӆа», — ЯНАО гидрометеорология па мониторинг окружающей среды куща ху Артём Кошкин ястас.</p><p>Ӆэвас тут ант пайтты вер эӆты мет такан потарсат. Там ванан Ӆапатнаңк вошан щи атам вер этам порайн вет хоят антома йис. Ас нопатты тыӆащ хусмет хатӆ унты паварт хотат яӆпа па вантӆайт. Хотат вантты порайн мет шопаңа кур тайты хотат, хот ӆыпийн нови тут па мув шув йиңк эӆты ӆэтот каварты хошапат, нови тут ващ карты ӆэрат хоты ӆэщатман уӆӆат па муй щиран рупитӆат, ваӆэмаӆайт.</p><p>«Тут эӆты ант ёсытты ураңан анта туп таӆ ипуш мосаӆ хотат вантты. Щи вер иса эӆты вантман тайты мосаӆ. Хоят ӆыӆ шавиман, нэмоӆты тын ант хойӆ», — губернатор ӆаңкар куща ху Аркадий Бессонов потартас.</p><p>Щаня ёханан ун йиңк ӆаваӆты йиңкан понам ӆытоват хоты ӆэщатсайт, унтат па ай куртат шавиман ӆэвас тут ант пайтты вер эӆты вантман тайты, щит эӆты па уйтантопсайн потарса.</p><p>Зоя Куртямова ӆэщатсаӆӆы</p>

Округеван еңк нопатты вер ӆаваӆӆа

ООН форуман шоши хоятат уӆапса еӆӆы тувам мохет. Хор: Эдуард Яунгад

<div class="content-lead">ЯНАО Заксобранияйн депутата уӆты ху Эдуард Яунгад ООН форуман вуӆы тащан яңхты ёх уӆапса еӆӆы туты ураңан потар тус.</div><p>Ӆув ясңаӆ эӆты: «Округеван вуӆы тащан яңхты ёх уӆты муваӆ вантман тайӆа. Вуӆэт яңхты юшат, муват хуват ин арсыр мув шепты рупатайт манӆат, таӆаң вошат омасӆайт.</p><p>Округеван мир хуват мет ар вуӆы уӆ — 620 сёрс. Вуӆы тащат шавиты ураңан уӆты нётопса па нэпекат тумпийн моӆтас отат па ӆэсятты мосаӆ. Си ураңан мув шавиты ёх рупата мет ямашак ат манаӆ, мув рупатайт кеша нётопсайт мосӆат, вуӆы яңхты юшат па сяхрат шавиман тайты».</p><p>Муй мув тайты рупатайт верман уӆӆат яха ӆэсятты. Пушасан тайты вуӆэт эӆты проект этаӆтас па учёной пиӆан вуӆы тащан манты яӆап рупатайт постас. Си еӆпийн потар манас, муй сирн ямальской техникуман вуӆы ёх-механизаторат дронат пиӆан рупитты утаӆтыты питӆайт.</p><p>Альбина Тырлина ханшам потар</p>

Вуӆы ёх уӆапса еӆӆы туты ураңан потар тус

Мосаң уӆам хоятэӆ си пормасан шависа, мосаң си отаӆ пеӆа вантман, хотаӆ, рутӆаӆ эӆты нумасас. ЗС ЯНАО хор.

<div class="content-lead">Ямальской парламент Ун Ляль емаң хатӆа «Йис пормас уӆапса» проект ӆэщатас. Округ хоятат Ун Лялян уӆам хоятӆаӆ ёӆан шавиты па мосаң музея мийм пормасат: письмайт, хорат, щёсат, шароңтат, меваӆ посат па па отат эӆты потар ханшты мосаӆ.</div><p>Си пормас хора вуты па каматса ясаң ханшты. Мосаң Ун Лялян уӆам хоятэӆ си пормасан шависа, мосаң си от вантман, хотаӆ, рутӆаӆ эӆты нумасас. Няврэмат ашкуӆа музеятан уӆты пормасат эӆты ищи потрат ӆэсятты па китты верытӆат.</p><p>Потрат ямальской парламент сайтан этаӆтыӆайт. Пормас хорат Заксобрание социальной сетятан официальной аккаунтатан ӆэсятӆайт. Хорат па потрат pressa.zs@yanao.ru электронной почтая китты па 8 (34922) 5-46-11 парламент пресс-служба телефон хуват звонитты рахаӆ.</p><p>Альбина Тырлина ханшам потар</p>

«Йис пормас уӆапса» проект этас

Василий Владимирович па Юлия Романовна Сопочинңан. Альбина Тырлина хор.

<div class="content-lead">Пулңават воша ар энамты ёх ёхтыӆыйӆ, хорам сохӆаӆ ӆумтыӆыйӆ. Хасям таӆатан Ёмвош округ эӆты мойң ханты хоятат шияӆаты рахаӆ. Ӆув мохты сэма хойӆат. Тайты сохӆаӆ муң ханты хоятӆув эӆты па хорпет, ханшиӆаӆ ӆуматты сохӆаӆан унат, вайӆаӆ шеңк хорамат, ханшийн эватман уӆӆат.</div><p>Когалым вош эӆты ёхтыӆыйм энамты хоятңан Василий Владимирович па Юлия Романовна Сопочинңан уӆапсаеӆ эӆты потарсаңан: «Муң Когалым вош эӆты ёхатсаман. Машинайн Пулңават вош унты 1200 километра йисув. Хасям таӆан Тазовский па Надым вошан усув.</p><p>Куртэв Когалым вош пуңаӆан, ӆапатхосьяң семья сита уӆ. Кечимовы, Сопочины, Русскины, хоӆ рутат. Муң ёраев хольмаң вуӆы тайӆаман. Хой сот, хой катсот. Вуӆыӆув пушасан уӆӆат».</p><p>Мойң хоятат пиӆан хоӆна йи пох ус. Сит Юрий Тимофеевич Агичев, Юлия Романовна яйӆ. Юля аңкеӆ па ӆув асеӆ опи-яйңан.</p><p>Ӆув па каматса ясаң ястас: «Си еӆпийн Красноселькупской районан усам. Акем вуӆы тайс, ӆувеӆа нётсам. Хуӆ веӆты тахайӆув йи тахайн усат, вуӆы шавиты тахайт па тахайн. Нэ тувмем юпийн, Охсаркая касаӆсам».</p><p>Альбина Тырлина ханшам потар</p>

Ёмвош эӆты ёхтыӆыйм мойң хоятңан

Рут ясаң хуӆмеӆ юпийн, сэм йиңк нох муңхман, аматман ёшпат яха сэңксат. НКАХ «Пулңават» хор

<div class="content-lead">Воӆаң Ун Ляль нох питам хатӆ елпийн Харп воша «Мядико» интернат хота каш верты ёх ёхтыӆыйс. НКАХ «Пулңават» хоща рупитты мохет па Округ каш верты хот эӆты хоятат яксат, арысат, монщ монщсат, ӆуңтарат ӆуңатсат па нарасӆысат.</div><p>Утща хащам пиращ па мушаң хоятат иса щита уӆман аӆ па марэмисайт. Щёмӆы питам юпийн ким ӆэваса хун манӆа. Щита рупитты леккарат рупатаеӆ верман па ант етшаӆат. Каш верты ёхтам мойң хоятӆаӆа па нарысӆыты няврэмата хотаң мохет шеңк нох аматсат.</p><p>Хуӆантты па каш вантты хоятат кутаң ханты хоятат па усат. Рут ясаң хуӆмеӆ юпийн, сэм йиңк нох муңхман, аматман ёшпат яха сэңксат. Концерт етшаты еӆпийн хоӆыена яха рущ арат арысат, хор версат па еша потрэмасат.</p><p>«Атам муш ёхтам юпийн, муң хощаев ӆэваса ант рахаӆ ёхтыӆыты па щит ураңан нэмоӆты хоят хувн антом ус. Уна ювам хоятата муй шеңк ар мосаӆ. Кушкепа потрэматы хоят ат уӆ па рут ясңен ат щащаӆ. Щит хоты шеңк ям вер. Каш альман энамты няврэмат па нын пиӆанан яңхӆат. Ай пора эӆты ӆув уятты питӆат хоты мосаӆ пиращ хоят пеӆа шашн ант керӆаты», — щита рупитты ун леккар ими каш алям хоятат пеӆа мойӆапса ясаң ястас па па ишан па ёхтыӆыты вохсаӆӆы.</p><p>Зоя Куртямова ханшам потар</p>

«Мядико» хотан уӆты пиращ хоятат каш вантсат

Николай Алексеевич па Алёна Владимировна Конева касты ёхтыӆысңан. Альбина Тырлина хор.

<div class="content-lead">Вуӆы ёх емаң хатаӆ Пулңават вошан кат хатаӆ манас. Там пуш мет ар хоят ус. Хой тынасты, хой каш верты, хой па аӆ мойӆаты, рутӆаӆ, ӆухасӆаӆ пиӆан уйтантыты.</div><p>Муши вош эӆты энамты хоятңан — Николай Алексеевич па Алёна Владимировна Конева касты ёхтыӆысңан. Каматса ясаң ястасңан: «Там вуӆы ёх емаң хатаӆан потам хуӆ нёхарты касапсайн кассаман. Заявка китты юпийн, касапсая Пулңавта вохсайман.</p><p>Си касапсайн ар пелак семьяйт кассат, хоӆ туса потам хуӆ нёхарсат, туса нёхрам хуӆӆаӆ хувана поныӆысат, хой вонсямотан па па ӆэтотан хорамаңа ӆэсятман этаӆтысат. Ӆуңтарат, ясңат потартсат, рутӆаӆ ӆув пуңӆаӆан усат. Муң па группа поддержки тайсув, сит ма асикем — Евгений Ильич Ямру.</p><p>Оӆаң тахая Фёдор па Татьяна Витязевңан Пулңават вош эӆты этсаңан. Мин нох ант питсаман, туп нёхрам хуӆэв мойң хоятатан умасьӆыман ӆэса па ям ясаңан ястасайман.</p><p>Си еӆпийн Овкуртан манам емаң хатаӆан тынасман усман. Ма вуӆы лак кеӆата пуклайт версам. Имем пиӆан ӆэсятӆаман. Оӆңа хора верӆаӆӆам, си юпийн эватӆаӆӆам, еӆӆы па туңа щира ӆэщатӆаӆӆам».</p><p>Алёна Владимировна аңкеӆ Антонина Филипповна Нева па ёхтыӆыйс, тынасты харан ус, мурах, хуӆ тыныйс. Манэма потартас: «Ма Паӆвош эӆты ёхатсам. Кашң таӆ вуӆы ёх емаң хатӆа ёхтыӆыӆам. Куртан уӆӆув. Хуӆ веӆпасӆыӆув, рэх вонсьӆув. Аңкиӆам-асиӆам Приуральской районан, Кев тум пелка касӆыман яңхсаңан».</p><p>Альбина Тырлина ханшам потар</p>

Муши вош эӆты касты ёхтыӆыйм хоятңан

Никита Артанзеев сохам эӆты шашкеӆат сэваӆ. Екатерина Терентьева хор.

<div class="content-lead">Овкуртан утаӆтыты порайн тухаӆ няврэмат интернатан уӆӆат. Екатерина Ильинична Терентьева па Олеся Павловна Тыликова ветмет группайн уӆты няврэмат хоща воспитателя рупитӆаңан.</div><p>Няврэмат хатӆ шуп утаӆтыӆат, щи юпийн па хой касты хота манаӆ, хой ӆохан хухатӆыйӆ, хой па аӆ каман ёнтаӆ. Тухаӆ няврэмат па Зинаида Петровна Дмитриева хоща ёнтасты па сэвты кружока ёхатӆат. Эвет аматман тохи вератты яңхӆат. Щита нуй хират, каврам пут катаӆты посат, аканят, сак ӆытоват ёнтӆат. Сак паӆат, саклакат па тутхотат сак эӆты каратӆат. Ашкуӆа пуншам порайн ёхтам мойң хоятата мойӆаты няврэмат «Сынский сувенир» версат.</p><p>Эвет пиӆан хоӆна йи пох яңхаӆ — щит Никита Артанзеев, ӆув сохам эӆты шашкеӆат сэваӆ. Шаш кеӆӆаӆ шеңк туса по хорамаңа тыйӆат.</p><div class="content-new-image"><img alt="pic" src="https://257824.selcdn.ru/yamalnews/413a9ddb-2d9.webp" style="width:100%" height="596" width="1059"/><div class="content-image_child">Тамащ хорамаң пормасат тус ёшӆаӆан верӆат. Екатерина Терентьева хор.</div></div><p>Интернатан рупитты нэңат щита уӆты няврэмӆаӆ ай тэӆан утаӆтаӆӆаӆ моӆты вератты, ёнтасты, сохам эӆты сэвты. Уӆты хотхулӆаӆн верам хорамӆаӆ вантты щира нох тахарӆайт. Антиӆаӆ-ащиӆаӆ интерната ёхтыӆыты порайн вантӆат, муй хошӆат ӆув няврэмӆаӆ верты. Муй па яӆап вер верты утаӆтысат.</p><p>Муй хорпи вантопсайт уӆӆыӆат, няврэмат верам рупатайт иса тохи мийӆыӆайт. Няврэмат мойӆапса нэпекатан мойӆаӆайт.</p><p>Зоя Куртямова ханшам потар</p>

Интернатаң няврэмат верты пормасат

Ун овращӆан, ун ащикиӆан хорат салехардпомнит.рф хоща китты мосаӆ. Аллина Тоярова хор.

<div class="content-lead">Кашң таӆ муң Ас нопатты тыӆащ яртъяңмет хатаӆан ун овращӆув, ун ащикиӆув хорат пиӆан «Бессмертный полк» хоща пиӆтащман вошхулэт хуват яңхиӆысув.</div><p>Там пуш атом вер эӆты сайӆащман щи вер ёхи катаӆса. Щи юкана ин кашң хоят верытаӆ Ун Ляля яңхам рутӆаӆ соцсеть хоща понтыя, муй па машиная хунттыя. Щаӆта кашң вошан сайт верман уӆӆа, хоӆта Ляля яңхам рут хоятӆаӆ хорат па потрат китты рахаӆ. «Народная Победа» вантопсайт вошхулэтан верӆайт. Щи онтасан аратаӆ миран вантӆа па уйтӆа.</p><p>Пулңават вошан уӆты хоятат салехардпомнит.рф хоща верытӆаӆӆаӆ киты. Щишан рутӆан хорат китаӆан. Нын тумпанан ун овращӆан, ун ащикиӆан па хоятатан ищи уйтты питӆайт.</p><p></p><p>Аллина Тоярова ханшам потар</p>

Лух Авт

Публикации автора