Лух Авт
Вуӆыӆув пиӆан яңхӆув, щахрат мохаӆӆув
Там пуш Юлия Германовна Лонгортова хоттэӆ хоятӆаӆ пиӆан «Кочевая семья» касапсая Овкурт эӆты касты хара яңхсат. Щита мин уйтантысман, потрэмисман.
Манам касапса эӆты каматса ясаң ястас: «Надым воша оӆаң пуш ёхтыӆысув. Касапсая хоттэӆ хоятӆама ёнтам сохат тутӆысам. Муң пиӆэван хоӆна аңкем-асем, упңаӆам усңан. Ӆув па сохӆаӆ альсат. Вет ӆуматты сох этаӆтыты мосас. Ёх, нэ хоятат верам отӆув: саклакат, шашкеӆат, вайт, тупрат, няврэм порхайт, вуӆы кепаӆ эӆты ёнтам ханшет, сах, нуй саха ёнтты ханшет, катра охшамат, ёрн хырат, тутсяңат. Муй верам па тайты отӆув, иса этаӆтысӆув.
Муң вуӆы хотан яңхӆув, Сяня ёхан нохӆы пеӆа, Кев тум пелка касаӆӆув. Сусан па ёхӆы охаӆӆув. Икем тащан яртъяңмет хотан МСТ «Мужевской» нийӆхус таӆ рупитаӆ. Ӆапат таӆ бригадира уӆ. Ма ихосьяң таӆ рупитӆам. Кашң сус вуӆы хорты тахая вуӆыӆув нёхия мийӆыӆӆув. Муң катсот моӆтас, хой сот, хой хуӆамсот. Кепӆат, оңтат иса совхоза маӆӆув. Муңева ант хайӆайт. Си еӆпи вет кепаӆ тэӆ муңева мийӆысат.
Кушкепа ин яӆап сир этас, няврэмӆув ураңан охан сохаптаӆаюв. Муң рупитты охӆув иси шимӆат. «Буранан» яңхман, охӆув бензина, «Буран» сюңка манӆат. Ӆэты кеман туп».
Альбина Тырлина ханшам потар
Авторы
Лух Авт
Темы