Лух Авт
«Вкусы России» ӆэтотат этаӆтыты хар ӆарпитӆа
Уйт ӆор тыӆась няӆхосьяңмет хатӆ эӆты ӆапатхосьяңмет хатӆ унты Москва вошан «Вкусы России» фестиваль верӆа. Округев эӆты си уйтантопсайн вуӆы нёхи, хуӆ ӆэтотат па шай этаӆтыты питӆа.
Си вантопсая хон мув ӆапатъяң пеӆа вет регион эӆты хуӆамсот ӆэтот верты таха ӆэвпасат туӆайт. Ямал мувев «Ямальские олени», «Орион» па Пулңават вош хуӆ ӆэсятты хот верты ӆэтотӆаӆ альӆат. Си тумпийн пормасат верты, ӆэтот ӆэсятты мастер-классат манӆат, ӆэты па каш манты харат ӆарпитӆайт.
«Кашң регион ӆув ёра тайты ӆэтотат тайӆ, Си ӆэтот хон мувев кашң тахайн ат уятӆайт. Кашң регион ӆув ӆэсятты ӆэтотӆаӆ па регионат пиӆан пелатты верытаӆ. Там порайн хон мувеван войт, сюрнет энмаӆты хоятат ураңан нётапсайт верман уӆӆат па верты ӆэтотӆаӆ тыныты нётты питӆайт», — РФ сельской хозяйство министр ӆаңкар нэ Оксана Лут ясаң верас.
Хасям таӆан симась уйтантопсайн округ ӆэтотӆув хуӆам пос шитсат. Си фестиваль 2020-мет таӆ эӆты манаӆ. Региональной бренд программая ӆоңаӆман уӆ, Хон мув куся партапса хуват верӆа.
Альбина Тырлина ханшам потар
Авторы
Лух Авт
Темы