Лух Авт
Тохӆаӊ хопан яӊхты яӆап юшат пуншӆайт
Округев эӆты па мувата, вошата тухаӆ порайн тохӆаӊ хопан туп ёхатты рахаӆ. Щиеӆ пеӆа понам рупата аяӆта еӆ хатаӆ. Тохӆаӊ хопат ӆатты харат ӆэщатӆайт, яӆап юшат пуншӆайт, юш нэпек сохаптаты тынаӆ тынӆышак верӆа.
Там ванан ям айкеӆан ёхатсаюв. Пулӊават эӆты Ёмвош пеӆа яӆап тохӆаӊ хопаӊ юш пуншӆа. Еӆпи щи вош унты ёхтаптаты ураӊан, Тюмень воша манты мосас, щиӆта па еӆӆы мув хуват, муй па кимет тохӆаӊ хопа ӆэӆты. Ӆуӊан па Сумат вошан ат хоӆман, кат хатӆ «Метеоран» Ас хуват манты.
Ай кер тыӆащ эӆты, яӆап юш пуншты юпийн, ӆапат кат пуш Ёмвоша яӊхты па ёхӆы ёхатты рахаӆ. Манты юшаӆ ӆоватаӆан щёскем питаӆ. Юш нэпек тынаӆ хут щёрас моӆтаса хойӆ.
Яӆпа пуншты юш хуват CRJ-200 тохӆаӊ хопат эсаӆӆайт. Ипуляӊ ветъяӊ хоят ӆэӆӆа.
Ун кер тыӆащ оӆаӊмет хатӆ эӆты S7 авиакомпания тохӆаӊ хоп Пулӊават па Новосибирск кутан эсаӆӆа. Там вош унты кат щёс па ветхощъяӊ минута манӆа. Embraer-170 тохӆаӊ хопан нийӆъяӊ пеӆа нийӆ хоят омасты таха уӆ. Юш нэпекат тыныты питсайт.
Абхазия Сухум вошан тохӆаӊ хопат ӆатты харэӆ ӆэщатам юпийн, кущайӆув номас понтсат, хоятата щиеӆ пеӆа щутщаты яӊхты, туӊ юш па пуншты. Там хатӆ кеша кутӆаӆан хоӆна потар туӆат.
Губернаторэв партапсайт вера тыйтыйн, округ хоятат уӆапсаеӆ па кентат манаӆ. Ӆуӊан няврэмӆаӆ пиӆан щутщаты, вер сахат, леккар хотата, хув юш манман, кушкепа ант шукащӆат. Мув хорамат яӊхты-вантты хоятат па тыеӆ пеӆа керӆаӆат.
Там вер «Туризм и гостеприимство» национальной проект ӆыпия ӆоӊаӆман уӆ.
Авторы
Лух Авт
Темы