обновлено: 12:57, 20 апреля 2023
Лух Авт
Там пуш Ун Ляля яңхам ун овращӆув хорат пиӆан вошхулыя ант этӆыӆув
Кашң таӆ муң Ас нопатты тыӆащ яртъяңмет хатаӆан ун овращӆув, ун ащикиӆув хорат пиӆан «Бессмертный полк» хоща пиӆтащман вошхулэт хуват яңхиӆысув.
Там пуш атом вер эӆты сайӆащман щи вер ёхи катаӆса. Щи юкана ин кашң хоят верытаӆ Ун Ляля яңхам рутӆаӆ соцсеть хоща понтыя, муй па машиная хунттыя. Щаӆта кашң вошан сайт верман уӆӆа, хоӆта Ляля яңхам рут хоятӆаӆ хорат па потрат китты рахаӆ. «Народная Победа» вантопсайт вошхулэтан верӆайт. Щи онтасан аратаӆ миран вантӆа па уйтӆа.
Пулңават вошан уӆты хоятат салехардпомнит.рф хоща верытӆаӆӆаӆ киты. Щишан рутӆан хорат китаӆан. Нын тумпанан ун овращӆан, ун ащикиӆан па хоятатан ищи уйтты питӆайт.
Аллина Тоярова ханшам потар
