Лух Авт
Щутщаты хара яңхаты
Унт ӆор тыӆащ няӆмет хатӆ эӆты яңмет хатӆ унты Урал Кев лепан «Полярное лето 2024» уйтантопса верӆа. Щи вер пеӆа уӆты альпинистат па ӆапат таӆ эӆты ӆапатхощъяң таӆ унты няврэмат тайты хоттэӆат Кев ӆоңӆа нох хуңхты па Кев вур хуват шушиӆыты вохӆайт.
Парщин хот, певаӆты хот, ӆэтот, кавартты путат, анат, оӆты па лаңкисыты хират, арсыр мосты пормасат уйтантопса верты хоятатан иса ӆэщатман уӆӆат. Кева манты хоятата патан, эӆа ӆуматты сох туп мосаӆ вутыя.
Ӆапат сыс щита уӆман, щутщаты ёх Кев ӆоңаӆ эӆты кащаӆаӆэӆ муй хорпи нюрам мувев хорамаң па ӆащкам. Иӆан, Кев сыӆ хуват па шушиӆыӆат, ёнтӆат, касӆат. Певаӆты каврам хот юпийн Собь ёхан потам йиңкан ёлхаӆтыӆат.
Там уйтантопса Ямал внутренней политика департамент хуват ӆэщатман уӆ. Щутщаты манты ураңан нэмоӆты сохаптаты ант мосаӆ. Заявка нэпек китаты па ям ӆыӆ рув патан вуйман Кев ӆоңӆат пеӆа шушматы.
Зоя Куртямова ханшам потар