Лух Авт
Рупата сирн па ашкуӆайн утаӆтыты няврэмат касапса
Округев хуват хуӆмет пуш 296 энамты ёх па 69 ашкуӆайн утаӆтыты няврэм «Профессионалы» касапсайн касӆат. Курк тыӆась хольмаӊ пеӆа нийӆмет хатӆ унты яӊ харан уйтантопсайт манӆат.
Там таӆан хоӆна катхосьяӊ яӆап касапса ӆэсятса. Энамты ёх хутьяӊ пеӆа ӆапат тахайн ӆувиӆаӆ этаӆтыты верытӆат, няврэмат — хуӆамхосьяӊ харан. Кашӊ няврэм пиӆан эксперт-наставник рупитаӆ. Сит 500 моӆтас хоят, 80 — рупатаеӆ сирн няврэмат утаӆтаты хоятат.
Ветъяӊ пеӆа вет нох питам па призёра этам ёх, округ рупитты тахая практикая вуӆайт. Региональной этапан пирыйм хоятат отборочной касапсая китӆайт. Сита нох питам няврэмат Хон Петра вошан хасям ятан касӆат.
Округ кусяев партапса хуват, округеван нох питам хоятат хольмаӊ сёрс соӆкува шитӆат. Отборочной па хасям ятан сорнеӊ пос шитам ёх 300 соӆкува ёша паятӆат. Щеӆох — 250 сёрс, патарох — 150 сёрс соӆкувайн маӆайт. Няврэмат ӆэсятам хоятат па си арат охан сохаптаӆайт.
Авторы
Лух Авт
Темы