Лух Авт
Няврэмат вуӆы ёх емаң хатӆ ищи постысат
Ин округев хуват вуӆы ёх емаң хатӆат манӆат. Пулңават вошан «Окружной санаторно-лесной ашкуӆайн» утаӆтыты шоши мир няврэмат ураңан «Тундровичок» емаң хатӆ верса. Эвет па похат си хатӆ шеңк ӆаваӆсат, туңа сира ӆэсятысат.
Емаң хатӆ манты тахаеӆ хорамаңа версэӆ, нарас сый хува сясяс. Ашкуӆа хося вуӆы хот ӆонсиӆыса. Сита Роза Тимофеевна Накова рупитас, пасан опсыӆыйс. Мойӆаты ёхтам хоятат хошъйиңкан, каврам шайн йинсьтасӆы, эпӆаң шарытам нянян па вонсямот маван ӆапатсаӆӆы.
КМНС нётопса верат еӆӆы туты отдел куся ху Григорий Васильевич Лымар утаӆтыты няврэмат мойӆапса ясаңан ястасӆы, Валентин Вальгамов хорам Овс мув арат арыйс.
Ашкуӆа няврэмат ӆуңтарат ӆуңатсат па касты харан кассат: тынсяң ёваӆсат, ӆохан хухатӆысат, юх таӆсат. «Ямал — потомкам!» Ассоциацияя ӆоңам энамты няврэмат ёхтыӆысат: арсыр конкурсат версат, эвиет па похат пиӆан яксат, ёнтсат.
Няврэмат ураңан ям емаң хатӆ верса. Сикуш шеңк иськи хатӆ ус, эвет па похат амтатӆысат, вуӆы хотан шай йинсьсат па касапсайн кассат. Папуш си емаң хатаӆан па яха уйтантыӆат.
Альбина Тырлина ханшам потар
Авторы
Лух Авт
Темы