Лух Авт
Няврэмат утаӆтаты хоятат ӆаваӆӆайт
Округ вош па курт ашкуӆаята няврэмат утаӆтаты хоятат ӆаваӆӆайт. Кашӊ хутъяӊ пеӆа нийӆ вошата рупитты ёхатты хоятат, йи миллион соӆкува ёша паятӆат. Куртата йиты яӊ хоят — 1,5 миллион соӆкувайн сохаптаӆайт.
Рупитты ёхатты хоятат, ай кер тыӆась няӆъяӊ пеӆа оӆаӊмет хатӆ унты официальной сайтан ханшӆтантыты верытӆат. Округев хуват рупитты хоятат нэпекӆаӆ ант вуӆайт.
Округ ашкуӆаята ар пелак математика, китайской па па мир кат ясаӊ утаӆтыты хоятат па няӆъяӊ пеӆа вет таӆ унты воӆаӊ вошатан вузат етшаты энамты ёх ӆаваӆӆайт.
Оӆаӊ ят манам утаӆтыты хоятат региональной экспертат пиӆан потар туӆат па предметӆаӆ хуват тестат маӆат. Ущ тыӆась хасям хатӆ унты пирыйм хоятат ястаӆайт. ЯНАО утаӆтыты верат туты Региональной институтан рупитты хоятат пиӆан рупитты ашкуӆайт пирыӆат па няӆ таӆа тохи рупитты манӆат.
Там таӆан «Округ няврэм утаӆтаты хоятат» программа яӆпитса. Си еӆпи, туп хольмаӊ таӆ унты веӆси питам рупитты хоятат, хутсот сёрс соӆкувайн сохаптасайт. Ин рупитты ёхатты хоятат таӆӆаӆ ант вантӆайт па охан хоӆыена маӆайт.
Хоӆна ТЭК, образование па леккар хотата там пуш рупитты ёхтам хоятат йи миллион соӆкува ёша паятӆат. Округ колледжатан технической направленность хуват рупитты хоятат хольмаӊ пеӆа вет сёрс соӆкува, хотаӆ сохаптаты ураӊан, ёхӆы маӆа.
Авторы
Лух Авт
Темы