Лух Авт
Овс мув сыӆат эӆты яӆап нэпек верӆа
Хон мувеван, Овс мув сыӆат эӆты яӆап атлас-нэпек верты питса. Ямал мувеван уӆты хоятат, вошат па ай куртат ищи тохи ханшӆайт. Хон Петра вошан А.И. Герцен нэмпи хон мув педагогической университетан рупитты учёной хоятат утаӆтыты нэпек ӆэщатӆат.
Ашкуӆаятан па рупата пеӆа утаӆтыты няврэмата тамащ нэпек шеӊк мосаӆ. Еӆпи ханшиӆыйм нэпекат катрая йисат. Овс мув сыӆаӆ па яӆпийс: мув тут йиӊк па тув шув ёхатты яӆап рупата харат пуншсайт. Урты нэпек ӆыпия ӆоӊаӆтам вой-хуӆ шавиты яӆап муват ӆэщатсайт.
«Там хатӆатан, мув сыӆат оша пайтты хоятат, ёханат, кеват, унтат, вошат нэпека щюратты, муван энамты отат шавиты ёх, войт-хуӆат уӆапса вантты мохет яха пиӆтащман рупата туӆат.
Хон мув Арктика районат тайты кашӊ щир атлас ӆыпийн атэӆ потра понӆа: там мув сыӆатан энамты торнат, юхат, войт-хуӆат, тата уӆты овс мув шимӆаӊ мир хоятат, тын тайты кеват, тут шув па тут йиӊк ёхатты тахайт, вошат, куртат, емаӊ харат», — география факультетан рупитты учёной ики Дмитрий Субетто ястас.
Яӆпа ӆэщатты нэпек хоӆна кат таӆ верты питӆа. Етшатаӆ юпийн, кашӊ ашкуӆая, няврэмат рупата пеӆа утаӆтыты хотата лакки ортӆайт.
Авторы
Лух Авт
Темы