Лух Авт
Мув сайӆаты нэӊху
Нэӊхэт хоща щимащ ропата ол — Мув сайӆата. Карра тэӆна муӊ соӆтанӆу мувеӆ сайӆасат, итта, па щи щимащ пора ёхтас. Там таӆ Хон мувна «Мув сайӆаты нэӊхэт Таӆӆы» постаман ол, щитна нявремат ораӊна ашкоӆайтна «Апраӊ нэӊхэт пиӆна уйтантыты хатӆат» верӆайт.
Хыщам ӆапат Зелёный Яр ашкоӆа нявремат СВО эваӆт щутщата ёхтам младший сержант Александр Кали пиӆна уйтантысат. Ляль харна «Север» нэмна понман ол. «Движение первых» алаӊ отделение хоща лайты нявремат эӆты Александр лаваӆсаӆӆы, хоты ӆув служитты тахайӆна ол, мала хорпи ропата верӆ. Итта лялеста мет щёкат, там йисна каман рот беспилотной порӆыты аппаратат, квадрокоптерат, октокоптерат оллат, ӆув щимащ пормасат юватлийӆ. Нявремат эӆты стрелок-зенитчик-военнослужащий ропата пущщи лаваӆтас.
«Там йисна лялесты нэӊхэт кутна мет такан стрелок-зенитчикат масӆат, порӆыман яӊхты пормас ар олтаӆ ораӊна. Муӊ ӆувиӆаӆ мала эваӆт аса юватлиӆӆу. Ма щимащ порайна ликмиӆысам, хонты номасты ораӊна йи минута топ тайӆан, щи онтасна ма па ма лялесты пиӆӆам ӆыӆаӊӊи хыщсу», — Александр Кали лавас.
Александр Витальевич заслугайӆаӆ ораӊна Орден Святого Георгия IV степень, «За воинскую доблесть II степень» па «Отважный» меваӆ посна майӆаса.
Зелёный Яр ашкоӆайна онттыды нявремат ораӊна там уйтантопса сэӊк самна лоӊас. Александр веритсаӆӆы эттада, мала хорпи нэӊхэт мув сайӆаӆат — ёраӊат, паӆтапӆэт, щимащ нэӊхэт пеӆа вантман, рахал лавта, муӊ мувув ям ясна ол.
Вера Лонгортова хансам потрат
Авторы
Лух Авт
Темы