Лух Авт
Лаборовской нюраман касӆысув
Елена Павловна Тайбери Приуральской мув Охсар вош эӆты ёхтыӆыйс. Ма ӆув пиӆэӆан потрэмисам.
Ясңаӆ эӆты: «Катра ма тасян яңхсам. Лаборовской нюраман касӆысув, Охсар вош эӆты катсот километра. Ин ветӆэм таӆ куртан уӆӆам. Охсар эӆты ныкӆы ветхосьяң километрайн хот тайӆаман, сита икем пиӆан уӆӆаман. Икем хуӆ веӆман уӆ, вуӆы ухӆат вераӆ. Ма па ёнтасӆам.
Аңкем-асем хантэңңан усңан. Ма нийӆ няврэм тайӆам: хут эви, кат пох. Эвиӆам хоӆ рупитӆат: хой леккара, хой утаӆтыты нэңа, хой ох ӆуңатты нэңа. Ай эвем туп тащан яңхаӆ. Похңаӆам — итаӆ тащан яңхаӆ, кимет похем Надым вошан уӆ, ин СВО хося.
Округеван там таӆ хоттэӆ таӆа постаман уӆ. Ямал хуват манам касапсайн эвем Анна Боровикова семьяеӆ пиӆан кассам. Округ касты хоттэӆат кутан нох питсув. Ун кер тыӆась ветмет хатаӆан Екатеринбург воша округ эӆты яртъяң семья яңхас, кат хоттэӆ нох питас. Ӆув кутэӆан Лонгортоват Овкурт ханты хоттэӆ. Уйт ӆор тыӆасян Москва воша касты манӆат.
Ситы си уӆӆув. Там емаң хатӆа ёнтам пормасӆам тутӆысам».
Альбина Тырлина ханшам потар
Авторы
Лух Авт
Темы