Лух Авт
Югра мув эӆты ёхтыӆыйм мойӊ нэ
Пулӊаватан, ОЦНК хот сотмет таӆаӆ постаты хатӆат кеша ун вантопса ӆэщатса. Каш ӆэщатам якты, арыты ун хоятат па няврэмат кутан кат мойӊ нэ усӊан. Ёмвош эӆты ёхтам ханты нэ ¬– Вера Кондратьева па Чукотка мув эӆты Олит Тевлянаут.
Каш вантопса етшамаӆ юпийн, ханты хоятӆув шай йинщты пасан суран ханты арат арыты хорам ай нэӊиев пиӆан уйтантысат.
Вера Ивановна потартас, муй щиран катра порайн, аӊкаӊкеӆ эӆты хуӆӆыйм Лямин ёханан уӆам нэ ар, антеӆ арыйм арат, Мария Кузьминична Вагатова ханшам ӆуӊтарат хуват ара понам потрат арыйӆ. Хорам сыйт яӆап щиран ёнтты тумпийн, катра нарысӆыты верат ёрэматы па ант мосаӆ. Хоты ӆув, рупитты мохиӆаӆ пиӆан, арсыр сыйт яха ӆыӆатман паӆа умащ хуӆантты арат верӆат.
Нётапса верты вер номасан па тайӆ. Щи вераӆ патэӆ унты туты утщиӆӆы. Югра мув интернататан уӆты няврэмат хуӆантты, хорам тур сый тайты па яма арыты эвет-похат пирыты. Ашкуӆа етшатэӆ юпийн, еӆлы утаӆтыты нётты. Кум шиттаӆ кеман, ун хоятӆаӆ уӆты сыс, катра арат, потрат акатты па ханшты.
Арыты нэӊев пиӆан щи уйтантопса Татьяна Ивановна Енова ӆэщатсаӆӆы. Тохи ёхтыӆыйм хоятӆув ищи потартсат, муӊ мувеван муй хорпи каш ӆэщатты верат маныӆыӆат. Муй щиран няврэмат нарысӆыты утаӆтаӆайт. Рут ясӊев шавиман па еӆӆы тувман муй хоӆна верӆув.
Тамащ уйтантопсайт верты мосаӆ. Хоты уӆапсаев манаӆ, рут мув хоятӆув хоты уӆӆат иса уятты питӆув. Моӆты порайн, тамащ потрапсайн ястам ясаӊ ӆэр, щаха ун емаӊ хатӆа мосаӊ па нётапса вера тыйӆ.
Зоя Куртямова ханшам потар
Авторы
Лух Авт
Темы