Лух Авт
Яма утаӆтыман охан сохаптаӆайн
ЯНАО Губернатор нэмпи стипендия вутыя, ӆоватаӆан хуӆамсот пеӆа ӆапатхощъяӊ заявление ханшман ус. Щиӆта рупата пеӆа утаӆтыты катсот пеӆа нийӆъяӊ нийӆ няврэм туп пирыса. Партапса нэпек, утаӆтаты верат туты департамент сайтан понман уӆ.
Стипендия вуты няврэмат кутан: ашкуӆа меваӆ пос пиӆан етшам ветъяӊ эви па пох, яма утаӆтыйм па щи тумпийн арсыр проектат, олимпиадайт па касапсаятан нох питам няӆъяӊ пеӆа ӆапат няврэм, Овс мув шимӆаӊ мир ёх кутан нийӆъяӊ хуӆам хоят, ащиӆаӆ СВО харатан уӆты ветхощъяӊ няврэм. Там таӆ оӆаӊ пуш Волновахской район эӆты, яма утаӆтыйм хуӆам няврэм, муӊ округ кущаев нэмпи стипендия па вуты питӆат.
Нётапса ох шитты ураӊан, Хон Петра вошан А.И. Герцен нэмпи педагогической университет, леккара утаӆтаты академик И.П. Павлов нэмпи госмедуниверситет, Омск вошан Н.И. Пирогов нэмпи университет па Тюмень вошан уӆты университетат эӆты мет ар заявка китман ус.
2020-мет таӆ эӆты округ губернатор партапса хуват ӆув нэм тайты стипендия сохаптаты питса. Ӆуӊ па таӆ сессия яма маты юпийн, эвет-похат таӆаӊ таӆ шуп верытӆат яӊ щёрас кашӊ тыӆащ ёша вуты. Утаӆтыты наврэмата щит шеӊк ям нётапса.
Зоя Куртямова ханшам потар
Авторы
Лух Авт
Темы