Лух Авт
Хот ӆонщиӆыйм нэңат кутан оӆңа этас
Там емаң хатаӆан Любовь Владимировна Русмиленко вуӆы хот ӆонщиӆыйс па «Хозяйка чума» касапсайн оӆаң местая этас.
Емаң хатӆ харан уйтантымеман инщассэм, хоты ӆув там конкурса ӆэщатыйс: «Ма оӆаң пуш тамащ конкурсан кассам. Ма пиӆэман похӆам, яем, менем, апщиӆам, яха арыты эвиӆам па усат. Мет такан нётты хоятэм Игорь Ильич, ма икем. Хот пормасӆаман Горка вош эӆты тусӆаман, манты юшеман 80 километра хуват. Емаң хатӆ верты хоятат карты ӆэрат таӆсат па ӆонщам вуӆы хотатан нови тут ӆэщатсат, кур аӆты юх тусат.
«Хозяйка чума» касапсайн хот пирыты хоятат вантсат, хоты муң хот улӆув ӆонщсув, нюкийн лаңксув, муй щиран хот ӆыпев ӆэщатсэв, мосты пормасӆув хота понман уӆӆат, хотэв сыстам муй антом. Хуӆмет хатӆ ӆэты пасан омассув, вантсаюв, муй ӆэтот кавартсув, муйн хоятат ӆапатӆаӆӆув. Ёшан верам па ёнтам пормасӆув пирысайт. Щаӆта па сценайн муң семьяев эӆты потар тусув. Муй рут эӆты па хоӆща уӆӆув, муй арат няврэм тайӆув, хой хота рупитаӆ, утаӆтыйӆ. Творческой номера ай хиӆыем ишканщап ар арысам. Сценая вохмем порайн, хоттэӆ мохиӆам пиӆан хоӆыена яха этӆысув.
Кат хатӆ кем мойң хоятат хота ӆоңтысат, ханты хоят уӆапса вантсат. Любовь Владимировна кашң хота ӆоңтыйм хоят пасан сура вохиӆысӆы, каврам шайн поныӆысӆы. Тамащ самаң потраң нэңа ун пумащипа ясаң китӆув. Хоттэӆ хоятӆан пиӆан тумтак уӆаты.
Зоя Куртямова ханшам потар
Авторы
Лух Авт
Темы