Лух Авт
Ханты хансы
Хантэт олапсына хансы сэӊк вуӆ таха тайӆ. Каман рот маса хоща сыяӆата рахал. Вай сох эӆты, тонды, щищкан, тун хоща каратӆа, юх, корты эӆты тэӆна. Хантэт масайӆаӆ, охсамӆаӆ, вайӆаӆ, антап коӆӆаӆ, хырӆаӆ, ернасӆаӆ, сахлаӆ хансына хорамӆат.
Мет аӆ хансэт — щит щищкан лапас эваӆт верам ӆэрат, щит хонты щищкан йи эӆты йинтӆа. Хантэт хоща туӊ ӆэр — ёс. «Савар паӆ» — щи хансы Калтащ торам пеӆа ӆуӊтасӆ. Щитна ӆув ныӊ нэӊху па няврем савитытты ӆуӊтасӆ. Ныӊат эӆты няврем тайта нятӆ. Щимащ хансы няврем маса хоща йинтӆа. Лавӆат, Савар ими — ор ныӊ исат тайӆ.
«Сумат варас» — каман рот маса хоща тайты хансы, хата аса сыяӆата рахал. Хантэт хоща сумат щит емаӊ юх. Сумат пущщи арат арыӆайт, парыӆыӆа.
Апщии пущщи верам хансэт щит: «Апщии паӆ», «Апщии ёс», «Апщии яс», «Апщии». Няврем масайт хоща тайӆа. Мальщаӊ эӆты. Хантэт хоща апщии емаӊ вай. Веӆпасӆаты ях масайӆаӆ хоща щимащ хансэт верӆат, антап коӆ хоща. Ӆув эваӆӆат, щимащ хансы савиӆӆы, веӆпасӆаты порайна ай туӆ. Щи хансы кат курна лайм апщии хорпи.
«Каӆаӊ аӊат» — щи хансы юх варас хорпи, алаӊӆаӆ каман пелак пеӆа лайӆат каӆаӊ аӊат иты. Хантэт хоща — каӆаӊ мет масты вай, каӆаӊ тайӆан ки, хасам масайн иёлты ол, ӆытыт тайӆан.
Ханты хансэт хорамат. Щимащ хорам ӆыптаӊ па манщна верты вайт хоща. Вуртэт най иты, ланьщ хорпи навет.
Авторы
Лух Авт
Темы