Лух Авт
Диктант ханшты пиӆтащияты
Курк тыӆащ 21-мет хатӆ шимӆаӊ мир хоятат рут ясаӊ емаӊ хатӆа постаман уӆ. Щи хатаӆан вошатан па куртатан уӆты мир ёх хоятат, ӆув рут ясӊеӆан диктант ханшӆат.
Округеван уӆты хантэт, урат, ёрн ёх па саранат ищи «Язык наш веками отточен» диктант ханшты ӆэщатыӆат. Щи тумпийн, кашӊ хоят ӆув уятты ясӊаӆ па потрапсайӆ щиран онлайн-трансляцияя пиӆтащты верытаӆ.
2025-мет таӆ герой Таӆа нэматман уӆ. Там пуш Воӆаӊ Ляль нох питам хатӆ 80-мет таӆ постаӆа. Щи кеша Воӆаӊ Лялян уӆам опращӆув, па ляль ураӊан рупитам хоятат эӆты потар ханшӆув.
Овс мув шимӆаӊ мир хоятат верат туӊматты щиран уӆты ЯНАО Департамент, ГАУ ДПО «Региональный институт развития образования» па Национальной библиотека Ямала яха пиӆтащман там ханшты вер туӆат. Диктант ханшты юпийн, кашӊ хоят сертификатан маӆа.
Авторы
Лух Авт
Темы