Лух Авт
Асов куртаң уӆапса
Шеңк умась вантты, хун уӆты куртатан, хот воӆат сыстамат. Ӆуң порайн вошӆув па куртӆув мет хорамаңат: лыптаң юхат, вошхулатан, сютсяты тахаятан лыптат омасман уӆӆат. Вантты умась.
Там мосванан Ӆорвош район Асован усам. Сикем ай, хорамаң, сыстам куртые. Вещкат, самаң па потраң хоятат уӆӆат. Курт хуват нохар юхат энамӆат. Хот пуңаӆан картопка харат, муң мувеван ант энамты юхат, ар хорпи лыптат омасман уӆӆат.
Куртаң хоятат ар вой энмаӆӆат. Ар хоттэӆат войт тайӆат: мисат, ӆоват, ошат, ӆунтат, васэт, сиськурэкат па перепёлкайт. Арсыр сюрнет каман па теплицайн энмаӆӆат.
Сикем сам аматаӆ, хун симась хорам куртыет вантӆан. Тата си мувеван верам хорат умасьӆыяӆан. Муң куртӆуван уӆты хоятат, кум ки тайӆаты, ов харӆан хорамаңа ӆэсятаӆан, лыптат омпсаты, сюрнет энмаӆтаты. Вантты порайн, сэм ат аматаӆ.
Альбина Тырлина ханшам потар
Авторы
Лух Авт
Темы