Лух Авт
Ар няврэмаӊ хоттэӆ емаӊ хатӆ постаты питӆа
Ай тахайт потты тыӆащ оӆаӊмет хатаӆан ямальской парламент ар няврэмаӊ хоттэӆ хатӆ верты постас. Щи веран Ямал губернатор Дмитрий Артюхов щимащ емаӊ хатӆ постаты кашащас. Щёхар тыӆащ хуӆмет ӆапат щутщатыйн постаты питӆа — ар няврэмаӊ хоттэӆ Хатӆ.
«Мосванан Законодательной Собрание хоща рупитты хоятат номас понтсат ар няврэмаӊ хоттэӆат емаӊ хатӆ постаты. Ӆув щёхар тыӆащ хуӆмет ӆапат щутщатыйн питаӆ. Щит шеӊк ям вер. Округ ӆоватан уӆты семьяйт постаӆӆув, мойӆаптаӆӆув», — Дмитрий Артюхов ястас.
Ямальской парламент куща Сергей Ямкин ястас, там хатӆатан муӊ хон мувев ӆоватан ар таӆ еӆӆы хатӆата постам верӆув туӆӆув. Ойӊа па щуняӊа уӆты вер кашӊ семья эӆты этаӆ.
«Ун па куран туӊа щира ӆойман уӆты хоттэӆат — щит муӊ еӆӆы уӆты хатӆэв, ойев, щунев. Тамащ хоятат онтасан аратаӆан хон мув уӆапсаев нох аӆамӆэв. Яӆап емаӊ хатӆ — щит яӆап вер хоттэӆ верат туӊматты щиран. Округ ӆоватан уӆты семьяйт па общественность там вер вана вусэӆ», — Сергей Ямкин ястас.
Ин Россия ӆоватан аӊки Хатӆ, ащи Хатӆ, няврэмат сайӆаты Хатӆ, хоттэӆ Хатӆ постаӆа.
Аллина Тоярова ханшам потар
Авторы
Лух Авт
Темы