Лух Авт
Айӆат ёх уйтантопсая вохӆайт
2025-мет таӆан щёхар тыӆащ 27-29-мет хатӆатан Южно-Сахалинск вошан Межрегиональной форум верӆа. Якты, арыты, нарасӆыты, каш верты, хорам сохат ёнтты па рут ясаӊ шавиман еӆӆы туты айӆат ёх щита яха актащӆат.
Няӆхощъяӊ таӆ эӆты няӆъяӊ пеӆа вет таӆ унты Овс мув шимӆаӊ мир айӆат ёх, маты отат тусаӊа верантты, каш альты, якты па арыты хошӆат тохи пиӆтащты верытӆат.
Уйтантопса порайн арсыр еӊта пасанат, каш альты па потар туты харат, творческой лабораторияйт ӆэщатӆайт. Владимир Михайлович Санги сэма питам хатӆаӆ эӆты ярсотмет таӆаӆ па Елена Алексеевна Бибикова ярсот пеӆа ветмет таӆаӆ постаты ураӊан, «Йи мув — арсыр потар сый» рут ясаӊ шавиты вер конференция манаӆ.
Сахалинской областной шоши ёх верантты хот каш верат туты па йис пора нэпекат шавиты Сахалинской мув сыӆ Министерствайн нётман там айӆат ёх акатты форум ӆэщатӆат. Уйтантопсаеӆ «Нунэ» нэман понтсэӆ. Нивхи, уйльта, нанайцы па эвенки, щита уӆты ёх нэмӆаӆ оӆаӊ буквайт эӆты там ясаӊ тыйс.
Хой номас тайӆ уйтантопсая яӊхты, ocnt.sakhalin.gov.ru/glavnaya/d... сайтан положение нэпек ӆуӊтаты па уйт ӆор тыӆащ оӆаӊмет хатӆ унты clck.ru/3LvdxF там ссылка хуват заявка китаты.
Зоя Куртямова ханшам потар
Авторы
Лух Авт
Темы