Лух Авт
Ай няврэмиет Ворңа емаң хатӆ па постысат
Хасям сютсяты хатӆатан округев хуват Ворңа емаң хатӆ постыса. Ханты хоятӆув кашң куртан, вошан уйтантысат. Садикатан рупитты ханты хоятӆув ай няврэмиет пиӆан си емаң хатӆ эӆты потартӆат па постыӆат.
Пулңават вошан «Мувхор» нэмпи садикан «Тундровичок» пормас шавиты хотан «Мувхор», «Умка», «Крылышки», «Журавушка» садиката яңхты ай няврэмиет яха уйтантысат. Мойң хоятат кутан ай няврэмат пиӆан рупитты ханты нэңңан — Лидия Ивановна Тоярова па Альбина Никоноровна Кельчина усңан.
Музей пуншам ханты нэңие — Маргарита Петровна Батютенко (Кельчина) кашң таӆ си емаң хатӆ ӆэсятаӆ, мойң хоятат вохаӆ, пасан опсыӆыйӆ. Там емаң хатӆа ёхтыӆыйм хоятат каш вантсат, ёнтопсайн па мастер-классатан кассат.
ОЦНК каш верты хотан рупитты нэ Наталья Ребась емаң хатӆ ӆэсятас: ворңа ими эӆты потар тус па ар арыйс. Ёхтыӆыйм няврэмат якат яксат, нэпек эӆты ворңа версат, сумат юха щашкан шук ярсат па шай йинсьсат.
Альбина Тырлина ханшам потар
Авторы
Лух Авт
Темы