Лух Авт
55-мет таӆа йис, хоты яха уӆӆаңан
Хащам ӆапатан Семён Гаврилович па Надежда Егоровна Лонгортовңан постасңан, хоты хутъяң пеӆа вет таӆ ияха уӆӆаңан. Рущ ясаңан ки ястаты — изумрудная свадьба.
Хус таӆ сайн ма там хоятңаӆам пиӆан Овкуртан уйтантсам. Щи порайн Семён Гаврилович утхот кущая ус, Надежда Егоровна ашкуӆайн рупитас. Овкуртан ӆув няврэмат па ун хоятат «Щаня ёх» ансамбля яха акатсаӆӆы. Арат, монщат пиӆан Ӆорвош район, округ па па вошат хуват ханты мир уӆапса альман яңхсат.
Инты унты аратаӆ мира ханты уӆапса, щират-пищат эӆты потартыӆңан. Няврэмӆаӆа па хиӆыӆаӆа уйтты верӆан алиӆыӆӆан. Ӆын пиӆанан уйтантытэн порайн, ищмет ӆыпи хошаман ёхатӆайн. Щи хорпи вещкат, хоят пеӆа самаңңан.
Муң, аратаӆ ханты мир, воӆаң ханты хоятңаӆува мойӆапса ясаң китӆув. Тумтак ёш — тумтак кур! Ойңа-пищаңа, йисаңа-нуптаңа! Тураман партам хатаӆӆан патэӆ унты туваӆан!
Аллина Тоярова ханшам потар
Авторы
Лух Авт
Темы