обновлено: 06:39, 02 февраля 2023
Няръяна Ӈэрм
Ӈэрм терʼʼ нядма ӈокамдавыдоʼ
Тюку поʼʼ маняʼʼ яхананаʼʼ невхы иринатоʼ илаʼ саирмʼ нёданаʼʼ сава юнмʼ намдаць. Ензяʼ терʼʼ тарця мунмʼ намдаʼʼмахадандоʼ ханяӈыдоʼ маидаць.
Ӈэрмʼ терʼʼ ненэцяʼʼ няʼʼмарпада есяʼʼ нядма ӈокамдавыдоʼ. Тикы серʼ еʼʼэмня Красноярской крайхана законмʼ несэймдавэдоʼ. Тюку поʼ яхана 237 млн. есяʼʼ нядма ӈэрмʼ терʼʼ еʼʼэмня таславы. Тикы есяʼʼ, няхарʼʼ районавана таславыʼʼ, Таймырʼ таддикад тёняӈы Эвенкияʼ няби Туруханскʼ районхаʼʼ помна тяртыдоʼ.
Ты пэртяʼʼ, халяданаʼʼ, ханенаʼʼ няхататоʼ няʼʼмарпада есядоʼ ӈокамбой. Халямʼ пэртяʼʼ, ханенаʼʼ сидндет ёнаркад вата есям няʼʼмарпаӈгуʼʼ, ты пэртя нядмадоʼ ӈобʼʼ ёнарʼʼ пирувна ӈока ӈэӈгу. Тедаʼ ненэцяʼʼ падродоʼ сертабиʼʼ.
Ӈэрмʼ яʼʼ серо минрена Людмила Магомедова, Заксобранияʼ манзаранаʼʼ вадавна, тарця есяʼ нядма хой иламʼ мэтахана саць тара. Хусувэй поʼʼ тикы сероʼʼ нямна депутатʼʼ маʼʼлаӈголава мэӈаʼʼ, таслаӈгурӈаʼʼ.
Масиʼʼ ӈамгэʼ мянувна вымна мюсертаʼʼ нинаʼʼ иландоʼ сибёмда.
Е. Ямкина падвы