Лух Авт
Мир потрат олапсы эваӆт
Карра йис пора эваӆт нэңхэт мир потрат олапсы эваӆт вусат, эваӆсат. Олды хуват торам, мир хорас пеӆа вантман касаң хатӆ щирӆ-щирӆ (примета) этас, щит ӆув аса йи хатӆна ант этсат, щит таӆаң мур олдаӆ хуват вантас, па онттыяс, номсаӆна понтсаӆӆы. Итта щи карра потрат пеӆа вантман, муң мули ощӆу, мала хорпи торам халэват олда питӆ, таӆ пеӆа вантман мули ощӆу мала хорпи ӆуң питӆ. Касаң потар олды хуват акатса па алңищ манас.
Ханты мир потрат
Хой вутн касӆыман яңхал, хуӆ веӆты па веӆпасӆаты ях, олапсэӆ торам эваӆт сэңк такан лайӆ.
Тыӆащ антапкоӆ йирас — ватассы йиӆ.
Таӆаң тыӆащ вуртыйи йис — хасамми йиӆ.
Ар ланьщ ки питӆ — товына вуӆ йиңк олда питӆ.
Ланьщ вуӆ лапасна ки питӆ — меӆак питӆ.
Ланьщ ки кур патына херыйӆ — хасамми йиӆ.
Амп ланьщ ӆыпина ки коратлийӆ, ватассы йиӆ.
Каӆаң нёлаӆ эваӆт ӆыӆ суваӆ такан ки этӆ, ищкийи йиӆ.
Ӆаңки сохал навийи ки йита питас, щитна таӆ еса ол па ёхатӆ, ищки олда питӆ.
Мет алңищ ёхтам ворңа ими ӆэӆ юх эӆты ки ӆатӆ, товы ван олда питӆ, паӆ юх эӆты — товэӆ хув питӆ.
Йи пукна амасты ворңайт, мала йир пеӆа охлаӆ кератман оллат, щиӆта ват полта питӆ.
Ворңайт юх хоща такан ханман ки амасӆат, атам торам питӆ.
Тахтаң ики йиңкна амасман ки уваӆ — ерт вахал.
Охаль мир потрат
Най ки паӆтан ол, па ватас — сара товы олда питӆ.
Каӆаң аңатӆаӆ ки кияртаӆайт — ищки олда питӆ.
Амп ланьщ ӆыпина ки коратлияӆ — ватассы йиӆ.
Кукук ими, мет алаң сыящты пахлат алаңна ки ёхатӆ — рэх щи ӆуң сымаӆ олда питӆ.
Рущ мир потрат
Таӆаӆ ки ланьщаң — ӆуңаӆ ертаң.
Таӆаӆ ки сарам па ищки — ӆуңаӆ сарам па каврам.
Таӆаӆ ки хасам — ӆуңаӆ ищки.
Таӆаӆ ки ищки — ӆуңаӆ хасам.
Таӆаӆ ки ватасаң — ӆуңаӆ ертаң.
Ор ях мир потрат
Каӆаң ват сасна ки эпсэнӆ — ват керӆаӆ. Хаӆща каӆаң эпсэнӆ, щиӆта ват полта питӆ.
Най пасӆаӆ ки сомтас — ищки олда питӆ.
Веӆпасӆата ки аӆаң манӆан — аян ийёлты наң пиӆэнна олда питӆ.
Хуӆ лар эваӆт аса аӆ веӆы — нявремӆан эӆты хыя.
Холащ мув вай нёхамтаӆ — щиящ ӆэпак манӆ.
Ӆэпак щирӆна хыр ӆыпина ант лоңал.
Ям нэңху пиӆна ор хатӆы хасам.
Ант веӆам кущты вай аӆ сохты, ант веӆам мойпар эваӆт сохал аӆ эңхы.
Ищки ӆуң хасамсак хасам ӆуң эваӆт.
Хатан ӆыпина хатӆы амп ки ёхатӆ, ям ясаң холлан.
Пащар юх эӆты рэх ки артан энмас — таӆаӆ хасам олда питӆ.
Саран мир потрат
Таӆан увты савның ки холлан — лащ питта питӆ, ӆуңан ки холлан — ертмаӆ.
Таӆаӆ ки ищки па ланьщ сымаӆ, ӆуңаӆ каврам питӆ.
Ланьщ кур иӆпина ки херыйӆ — хасамми йиӆ.
Кати кор эӆты ки хойӆ — ищкатӆ.
Тыӆащ курӆаӆ нохащ ки вантӆат — ищки питӆ.
Авторы
Красный Север
Журналист
Темы