Лух Авт
Мет ёраң ях пирыты ораңна
Курк тыӆащ 15-мет хатӆ эваӆт 18-мет хатӆ моса Пулңаватна Ямал мув Чемпионат па Первенство северной многоборье хуват манас 16-17 таӆ касты ях ораңна.
Касты ораңна Ӆорвош, Тазовской, Приуральской, Пуровской, Ямальской районат па Пулңават эваӆт яха актащсат. Ловатӆна нияӆъёң молтас нэңху ос, ӆув орңиӆаӆна вет касты хар верыӆыса, щит холам пус навармита, охал соппы наварта, нёхамтысат, ӆайм вощкемисат па тынщаң явалмисат.
Щи касты хар мет ёраң ях северной многоборье хуват пирыты ораңна верса, ӆув Ямал мув эваӆт Россия Чемпионат па Первенство хоща каста питӆат.
Мет алаң касты хатӆна, холам пус навармиты тахайна йиӆап Ямал мув рекорд аматса, щит Михаил Ивочкин, ӆув 10,46 метра хуватна навармас, щит олам рекорд эваӆт хос сантиметрайна ар. Михаил Ивочкин Ӆорвош район Овкурт похал эваӆт ёхтас, ӆув северной многоборье касты ашкоӆайна яңхал, Василий Лонгортов хоща.
Вера Климова хансам потар
Авторы
Лух Авт
Темы